Dönya matbuğatına küzätü 13.09.2019

Angliyada çığuçı bäysez ğaräp gazetı “Alşark Alavsat” Soğud Ğaräbstanında êşsezlekneň 12,3% tiräse kimüen yaza.

Qatarda kön kürüçe “Al-Raya Al-Katariya” gazetı Ğazzädäge daru defiṡitınıň 40%ka citüen belderä.

Livannıň “Al-Mustakbal” basması su basu afätläreneň Aljir başqalasında tormışqa tiskäre täêsir itüen citkerä.

Germaniyaneň “Doyçe Velle” media oyışması beldergänçä Germaniya artqan qaçaqlarğa qarşı Törkiyä belan xezmättäşlek başqarırğa teli. Änkara häm Afina citäkçelekläre belän kiňäşmälär alıp baruçı alman xökümäte xezmättäşlek yärdämendä qaçaqlar ağımın kontrol’ astına alunı maqsat itä.

Bild.de internet säxifäse xäbärenä kürä bar dönya Gonkonglı Joşua Vong häm aktivist Greta Tanbergnı söyläşä.

Rusiyäneň xäbär säxifäse Obzor.press tışqı êşlär ministrı Sergey Lavrovnıň tübändäge süzlären uquçıları belän urtaqlaşa: “Süriyädä suğış çınlap ta bette.”

Şul uq ilneň MK gazetı ilbaşı Vladimir Putinnıň 2020 yılda İzrailgä säfär yasayaçağın xäbär itä.

Türkrus.com xäbär säxifäse beldergänçä Putin yuğarı däräcäle 30 ofiṡernı wazifasınnan aldı.

Franṡiyadä çığuçı “Le Figaro” gazetı Al’p tawlarındağı iň zur boznıň 2100 yılınnan alda yuqqa çığa alaçağın yaza.

Argentinada basıluçı “El Klarin” gazetı Meksikada keşe qaldıqları bulğan 119 buqçanıň tabıluın citkerä.

Tatarstannıň “Tatar-inform” xäbär agentlığı xäbärenä kürä “Nevskaya krasa-2019” VI maturlıq häm talant xalıqara bäygesendä mömkinlekläre çiklängän ike tatar qızı – Çuvaşiyadän Güzäl Aligberova häm Çiläbedän Alinä Xäyrullina qatnaşa.