Dönya matbuğatına küzätü 12.09.2019

Angliyädä çığuçı bäysez ğaräp gazetı “Alşarq Alawsat” yazğança, Soğud Ğaräbstanı İrannıñ atom – töş qoralları qağıydäsen bozuların tuqtatuı öçen xalıqara cämğiyät’kä çaqıru yasadı.  

Katarnıñ “Al-Raya Al-Katariya” basması İzrail törmäsendä utıruçı 22 fälästinle äsirneñ açlıq iğ’lan itüen citkerä.     

Germaniyanıñ “Deutsche Welle” media oyışması xäbär itkänçä, Germaniya kanślerı Angela Merkel ildä çit il keşelärenä qarata höcüm, qırıslıq häm nafrät êçtälekle süzlär äytügä qarşı xalıqnı reakśiya belderergä çaqırdı.

Şul uq ilneñ “Weser-kurier.de” basması il iq’tisadçılarınıñ Germaniya iq’tisadınıñ keçeräyä baruı turında kisätüen citkerä.

Germaniyanıñ “Bild.de” gazetı Germaniya belän Gonkong arasında krizis küzätelüen, Qıtaynıñ Berlindağı tulı wäqalätle ilçeseneñ “Gonkong Qıtaynıñ êçke mäs’äläse , Germaniya säyäsätçeläre moña qatışmasqa tiyeş” dip äytüen belderä.

Perunıñ “El Komercio” basması Argentinadağı krizisqa qarşı oyıştırılğan protest belderü çaralarında poliśiya belän rizasızlıq belderüçelär arasında bäreleş kilep çığuı turında yaza.

Franśiyanıñ “Le Parisien” gazetı Franśiya parlament başlığı Riçard Ferranğa qarata  qanunsız kerem täêmin itü ğayebe belän tikşerü başlatıluın xäbär itä.

Rusiyäneñ “Ria Novosti” xäbär agentlığı İzrail prem’yer-ministrı Binyamin Netanyaxunıñ Rusiya Federaśiyäse däwlät başlığı Vladimir Putin belän duslığınıñ Süriyädä ixtimal bäreleşne totqarlap qaluı turında äytüen citkerä.

Rusiyädä çığuçı “İzvestiya gazetı yazğança, Rusiya Federaśiyäse statistika oyışması  mäğ’lümatlarına kürä rusiyälelärneñ urtaça ğomere 40 yıl.

Tatarstannıñ “Tatar-inform” mäğ’lümat agentlığı xäbär itkänçä,KFU Böyekbritaniyäneñ  “Times Higher Education”jurnalı versiyäse buyınça dönyanıñ 600 iñ yaxşı universitetı arasına kerde. İsemlekkä Rusiyäneñ barlığı 39 uqu yortı kergän.