Dönya matbuğatına küzätü 11.09.2019

 Angliyädä çığuçı bäysez ğaräp gazetı “Alşarq Alawsat” Ğaräp illäre tışqı êşlär ministrlarınıñ İzrail prem’yer - ministrı Binyamin Netanyaxunıñ açıqlamaların xalıqara xoquqqa qarşı dip belderüe turında yaza. 

Livanda çığuçı “Al-  Mustakbal” gazetı Amerika Quşma Ştatları däwlät särqätibe Mayk Pompeonıñ “Tramp Ruxani belän bernindi şartsız küreşä ala” digän süzlären citkerä.

İspaniyada dönya kürüçe “La Vanguardia” gazetı Amerika Quşma Ştatları ilbaşı Donal’d Tramnıñ milli qurqınıçsızlıq kiñäşçese Djon Boltonnı wazıyfasınnan aluın xäbär itä.

Kolumbiyanıñ “El Geraldo” gazetı Venezuêlanıñ xärbi künegülär öçen Kolumbiya çik byına 150 meñ ğaskär urnaştıruı turında yaza.

Germaniyanıñ “Deutsche Welle” media oyışması xäbär itkänçä Germaniya Soğud Ğaräbstanı belän qabat iminlek xezmättäşlegenä kereşä.

Rusiyadä çığuçı “İzvestiya” gazetı yazğança Rusiya täwge 2 boralaq taşuçı köymä tözeleşenä 2020 nçe yılnıñ may ayında Qırımda kereşäçäk.

Rusiyäneñ “Lenta.ru” gazetı Awrupa komissiyäseneñ  yaña başlığı Ursula vonder Layennıñ Ukraina häm Gruziyanıñ Awrupa Berlegenä tağın da tizräk integraśiyäse yaqlı buluı turındağı süzlären uquçıları belän urtaqlaşa.

Fransiyanıñ “Le Figaro” gazetı Süriyädäge AQŞ-Törkiyä xärbi operaśiyäse turında yaza.

Tatarstannıñ “Tatar-inform” mäğ’lümat agentlığı xäbär itkänçä, 2030 nçı yılğa rusiyälelärneñ yartısına yaqını śifrlaştıru häm avtomatlaştıru näticäsendä êşennän qolaq qağarğa mömkin.

Şul uq agentlıq 12 nçe sentyabr’ könne Tatar däwlät filarmoniyäse säxnäsendä respublika rayonnarı häm şähärlärennan kilgän 12 qıznıñ “Tatar qızı” bäygeseneñ finalında köç sınaşaçağın citkerä. Ciñüçe isä İjevskida uzaçaq bäygeneñ xalıqara êtabında Tatarstan danın yaqlayaçaq.