Dönya matbuğatına küzӓtü 27.08.2019

Çilida kön kürüçe “La Terkera” gazetı Braziliya xökümӓteneň Amazon urmannarındağı yanğınnar belӓn körӓşü öçen G-7 tarafınnan kürsӓtelӓçӓk 20 million dollarlık yӓrdӓmne kire qağaçağın açıqlawın yaza.

İspaniyaneň “ABC” basması İspaniya hawa köçlӓre inventarendӓge C-101 oçqıçlarınıň 1984 yıldan birle 10 tapqır hӓlakӓtkӓ oçrawın citkerӓ.

Şul uq ilneň “La Vangardia” gazetı Rozalianeň MTV muzıka bülӓgen qazanğan berene ispaniyale sӓnğatçe buluın belderӓ.

Alquds Al Arabi basmaı Törkiyӓ tışqı êşlӓr ministrı Mӓwlüt Çavuşoğlunıň tübӓndӓge süzlӓren uquçıları belӓn urtaqlaşa: “İzrailneň pıçraq uyınnarı saylawlardan alda qabat başlandı.”

Livanda çığuçı “Al-Hayat” gazetı beldergӓnçӓ Misırnıň tüntӓreleş belӓn xaqimiyӓtkӓ kilgӓn dӓwlӓt başlığı Abdulfettah el-Sisi hӓm Amerika Quşma Ştatları ilbaşı Donal’d Tramp xezmӓttӓşlekne tirӓnӓytü hӓm terrorçılıqqa qarşı körӓş öçen kileşte.

Angliyada basıluçı bӓysez ğarӓp gazetı “Alşark Alavsat” İzrailneň Livannıň êçke töbӓklӓrenӓ taba höcümnӓren kiňӓytüen hӓm Fӓlӓstinle ber törkemne maqsat itep aluın yaza.

Rusiyӓneň TASS agentlığı Törkiyӓ ilbaşı Ӓrdoğan hӓm Rusiyӓ Federaŝiyase dӓwlӓt başlığı Vladimir Putinnıň başqala Mӓskӓwdӓ 14nçe Maks 2019 Xalıqara Aviaŝiya hӓm Ğalӓm zalın barıp kürӓçӓk hӓm söylӓşülӓr ütkӓrӓçӓgen xӓbӓr itӓ.

Şul uq ilneň “İzvestiya” gazetı robot Fyodor utırğan Soyuz MS-14 ğalӓm qorabınıň uňışlı rӓweştӓ Xalıqara ğalӓm stanŝiyase belӓn êlemtӓ qoruın citkerӓ.

Germaniyaneň “Doyçe Velle” media oyışması xӓbӓrenӓ kürӓ Awstriya DEAŞ terrorçıları balaların ilenӓ qabul itӓçӓk. Süriyӓdӓ ülüe uylanılğan hӓm Awstriya watandaşı bulğan DEAŞ terror oyışması ӓğzaseneň qaçaqlar şӓhӓrçegendӓ yӓşӓwçe balaların Venadağı ӓbisenӓ tapşıru qararı birelde.

Franŝiyaneň “Le Mond” gazetı Braziliyaneň Amazon urman yanğınnarı belӓn körӓş öçen G7 tӓqdim itkӓn yӓrdӓmne kire qağuın yaza.