Dön'ya matbuğatına küzätü 16.08.2019

Ğaräp gazetlarınnan “Alşark Al-Awsat” yazğança, İzrail Amerikanıñ ike möselman kongress äğ’zası Raşida Tlaib häm İlhan Omarğa ilgä kerüne tıydı.

“Al Quds Al Arabi”  gazetı Süriyä rejimı hawa saqlanu sistemasınıñ İzrail raketa höcümen kirtäläwen citkerä

Katarnıñ “Alraya” basması Katar belän Rusiyä mönäsäbätlärendä yaña ofıqlar açıluın yaza

Venesuêlanıñ “TeleSUR” kanalı xäbär itkänçä, Rusiyä Gayanadağı Angliyä xärbi bazasında Venesuêlanıñ totrıqlılığın beterü öçen plan xäzerlänüen belderde.

Çilinıñ “La Tercera” gazetı “Meksika üzäk bankı 5 yıldan soñ täwge tapqır prośentlarnı töşerde” dip yaza.

İspaniyäneñ “Êl Mundo” gazetı ilneñ turist modeleneñ sıyfatın üzgärtergä mataşuın belderä: tağın da az turist kilsen, ämma kilüçelär tağın da kübräk aqça sarıf itsen.   

Rusiyäneñ “İzvestiyä” gazetı xäbärenä qarağanda, ruslar kübräk Mäskäw häm Sankt-Peterburgta yäşärgä teli.

Şul uq ilneñ “RİA Novosti” xäbär agentlığı Ardoğannıñ Aqqoyı atom-töş stanśiyäse tözeleşen tizlätü kürsätmäse birüen citkerä.

TASS agentlığı yazğança, Rusiyädäge balalarnıñ 20%tan artığı nikyaxsız tua.

“Ştuttgarter Naxrişten” gazetında urın alğan mäqalädä gonkonglı aktivistnıñ Germaniyäne Qıtaynı yaqlawı öçen tänqıyt’läwe äytelä.

Franśiyäneñ “Lö Figaro” gazetı yazğança, 2019nçı yılnıñ iyüle tarixtağı iñ êsse ay buldı.

Şul uq ilneñ “Lö Mond” gazetı Djeremi Korbinnıñ, Djonson urının alıp, Breksitnı ğamäldän çığarırğa teläwen farazlıy.

Tatarstannıñ “Tatar-inform” mäğ’lümat agentğı yazğança, “Qazan” aêroportında dön’yadağı iñ zur oçqıç belän tanıştırdılar.