Dönya matbuğatına küzӓtü 02.08.2019

Qatarda kön kürüçe “Al-Raya Al-Katariya” gazetı Soğud Ğarӓbstanınıň İzraildӓn tabiği gaz satıp alırğa telӓwen yaza.

Soğud Ğarӓbstanında basıluçı “Al-Rıyad” basması beldergӓnçӓ yaňa qararnamӓgӓ kürӓ xatın-qızlar monnan soň üzlӓre genӓ pasport çığara ala.

Livannıň “Al-Hayat” gazetı Dimӓşk citӓkçelegeneň İzrailne Süriyӓneň kön’yağına raketa höcümen oyıştıru belӓn ğayeplӓwen citkerӓ.

Rusiyӓdӓ çığuçı “İzvestiya” gazetı xӓbӓrenӓ kürӓ prem’yer-ministr Dmitriy Medvedev Yaponiyaneň Kuril utrawlarınnan berse bulğan İturup utrawına sӓfӓr yasıy.

Şul uq ilneň RİA Novosti agentlığı Donal’d Trampnıň êlekke rus agentı Sergey Skripal’ hӓm qızı Yuliyaneň ağulanuları arqasında Rusiyӓgӓ ikençe çiklӓw paketın üz êçenӓ aluçı qararnamӓ imzalawın yaza.

TASS agentlığı AQŞ ilbaşı Trampnıň tübӓndӓge süzlӓren citkerӓ: “Amerika Quşma Ştatları Rusiyӓ kebek ük atom-töş qoral kontrole hӓm qoralsızlanu ölkӓsendӓ yaňa kileşülӓr tözergӓ teli.”

İspaniyaneň “El Mundo” basması “Bӓbilӓregezneň söt teşlӓren ırğıtmağız” isemle xӓbӓrendӓ söt teşlӓrendӓ 100 millionğa yaqın tamırlı küzӓnӓkneň buluın citkerӓ.

Franŝiyaneň “Frans 24” televideniyese beldergӓnçӓ Amerika Quşma Ştatları Urta radiuslı atom-töş köçlӓr kileşüennӓn rӓsmi rӓweştӓ çigenӓ.

Şul uq ilneň “Le Figaro” gazetı xӓbӓrenӓ kürӓ Tramp Qıtaydan kerüçe tovarlarğa östӓmӓ salım kertülӓren açıqladı.

Germaniyaneň “Züddoyçe Ŝaytung” gazetı Alman ğadӓlӓt ministrınıň mӓxkӓmӓ zallarında pӓrӓncӓne tıyarğa telӓwen yaza.

Tatarstannıň Tatar-inform mӓğlümat agentlığı beldergӓnçӓ “Böyek Bolğar” turistlar arasında in kötep alınğan festival’lӓr unlığına kerde.

Xӓbӓrdӓn kürengӓnçӓ “Böyek Bolğar” Xalıqara urta ğasır suğışları festivale 10-11 avgust könnӓrendӓ uzaçaq.