Dönya matbuğatına küzätü 01.08.2019

Londonda ğaräp telendä çığuçı “Alquds Alarabi” gazetı yazğança, Amerika Quşma Ştatları  Fälästin däwläte urınına üzidarä teli.

Şul uq gazet Amerika Quşma Ştatlarınıñ “Äl Qaidä” liderı Usama ben Ladennıñ ulı Xamza Ben Ladennıñ ülgän buluı ixtimalı turında süz alıp bara dip citkerä.

Angliyädä çığuçı bäysez ğaräp gazetı “Alşarq Alawsat” AQŞ  İran tışqı êşlär ministrına sankśiya kertä dip yaza.

“Deutsche Welle” xäbär itkänçä, Törkiyä ilbaşı Räcäp Tayyip Ärdoğannı mısqıllaw süzläre urın alğan şiğır’ uqığan alman yumor ostası Yan Bemermannıñ tıyılğan şiğır’ belän bäyle rizasızlığın Germaniya Yuğarı sudı kire qaqtı.

”Bild.de” citkergänçä, Germaniyada aqılğa sıymaslıq cinayät’ başqarılğan.Çığışı belän qazaq bulğan Ştutgart qalasında yäşäwçe yul urtasında qılıçqa oxşağan qoral belän üterelgän.   

 “Süddeutsche Zeitung” yazğança, Angliya finans ministrı kileşüsez Breksit öçen byudjetnı 2 milliard 100 millionnan 4 miiliard 200 million sterlingka kütärgän.

Rusiyäneñ “İnterfaks” xäbär agentlığı AQŞ ilbaşı Tramp Rusiyä Federaśiyäse däwlät başlığı Putinğa urman yanğınnarın sünderüdä yärdäm täq’dim itte dip belderä.

“Xäbärrus” rusiyälelärneñ 38%ınıñ Putinnı 2024 nçe yılda yañadan däwlät başlığı itep kürergä telämäwen citkerä.

Peruda çığuçı “El Komersio” gazetı Trampnıñ Braziliyanı NATO äğ’zası bulmağan strategik xärbi berlektäş itep iğ’lan itüe turında yaza.

Argentinanıñ “Infobae “xäbär agentlığı Maduro häm Guaydo wäkilekläreneñ Barbadosta qabat dialogqa kereşülären citkerä.

İspaniyada çığuçı “La Vanguardia” gazetı İspaniya ğalimnäreneñ keşe küzänäkläre belän maymıl êmbrionnarı barlıqqa kiterülären uquçıları belän urtaqlaşa.

Franśiyanıñ “Le Figaro” gazetı Tramp Brazliyağa xärbi berlektäş statusı birde dip belderä.

Tatarstannıñ “Tatar-inform” mäğ’lümat agentlığı xäbär itkänçä, cäyneñ berençe ayında Törkiyädä 1 millionnan kübräk Rusiya turistı bulğan. Bu soñğı 19 yıldağı rekordlı kürsätkeç. Bıyılnıñ iyün’ ayı yal itüçelär sanı 1 millionnan da artıp kitkän berdänber ay bulğan. Uzğan yılda Törkiyägä 989 meñ rusiyäle barğan. Başqa yıllarda da turistlar sanı älege kürsätkeçkä citmägän.