Angliyädä basıluçı bäysez ğarӓp gazetı “Alşarq Alavsat” Tunis ilbaşı belän sawbullaşqanda berdämlekkä çaqıra dip yaza.

”Alraya“ basması Törkiyä S-400 hawa saqlanu sistemaları kiterüneñ berençe êtabınıñ tämamlanuın belderde dip citkerä.

”Bild.de” gazetınıñ internet säxifäse beldergänçä, Germaniyadağı çiktän tış êsselär arqasında hönärçelär berlekläre êşçelär öçen yal sorıy.

Germaniyanıñ “Focus.de” jurnalı Törkiyä Üzäk bankınıñ yaña başlığınıñ prośentlarnı töşerüen xäbär itä.

 “FAZ.de” xäbär itkänçä, Germaniyada layıqlı yaldağı 2 keşedän berse 900 yevrodan kimräk pensiya ala.

Bel’giyada dönya kürüçe “Le Soir” gazetı Bel’giya cämğiyäteneñ qartayuına äzer tügel dp yaza.

Franśiyada çığuçı “Le Figaro” gazetı yazğança, franśuzlar avtomobil’ yörtkändä telefonnan söyläşkän öçen cäzalarnı arttıru yaqlı.

Şul uq ilneñ “Le Monde” gazetı ilbaşı Es-Sibsi ülgännän soñ Tunista bilgesezlek xökem sörüen belderä.

Venesuêlanıñ “El Nacional” basması AQŞ wäkillär palatasınıñ venesuêlalı qaçaqlarğa waqıtlıça saqlanu statusı birüçe qanunnı raslawın citkerä.

Rusiyäneñ “Ria Novosti” agentlığı Rusiya tennisçısı Svetlana Kuzneśova viza mäs’äläsendäge qıyınlıqlarğa oçrağannan soñ Amerika Quşma Ştatların sportçılarğa qarata ayırıp qarawnı tuqtatırğa çaqırdı.

”Rossiyskaya gazeta” yazğança Ukraina iminlek köçläre qulğa töşergän Rusiya tankerında wazıyfa başqaruçı diñgezçelär irekkä cibärelde häm Rusiyägä qayttı.

”Lenta.ru”xäbär itkänçä, Avstriya êzlänüçelär isemlegenä kertelgän Rusiya küzläw oyışması xezmätkäre İgor’ Zayśevneñ niçek êşläwe xaqındağı neçkäleklärne urtaqlaştı.

Turktatar.com beldergänçä Tatarstannıň Begişevo aêroportınnan İstanbulğa turıdan turı  sӓfӓrlӓr başlanaçaq.

Xӓbӓrgӓ kürӓ sӓfӓrlӓr 189 keşelek, zamança Boeing 737-800 oçqıçları tarafınnan başqarılaçaq.

Oçqıç sӓfӓrlӓreneň çӓrşӓmbe, comğa hӓm yӓkşӓmbe könnӓrendӓ yasaluı kötelӓ.