Angliyada basıluçı bӓysez ğarӓp gazetı “Alşark Alavsat” qulğa alularnıň Süriyӓneň kön’yağındağı tormışnıň cayğa salınuına kirtӓ quyuın yaza.

Qatarda basıluçı “Al-Raya Al-Katariya” gazetı Kuveytnıň İzrail ğamӓllӓreneň töbӓktӓge iminlekkӓ yanawın citkerüen xӓbӓr itӓ.

Livanda kön kürüçe “Al-Hayat” gazetı Somalidağı Berlӓşkӓn Millӓtlӓr Oyışması rӓsmi zatına höcüm kereşüeneň başqarıluın yaza.

Germaniyaneň “Doyçe Velle” media oyışması beldergӓnçӓ ildӓge mӓçetlӓrgӓ yanaw arttı, dӓwlӓtkӓ alarnı yaqlaw wazifası töşte.

Şul uq ilneň “Morgenpost” basması xӓbӓrenӓ kürӓ hawanı çistartu proyektı qısalarında Berlin senatı şӓhӓr üzӓgendӓ dizel’ maşinalarnı qullanunı tıydı.

“Tagesschau” televideniye çeltӓreneň internet sӓxifӓse Volksvagennıň Törkiyӓdӓ yasala başlanaçağın yaza.

Franŝiyada çığuçı “Le Mond” gazetı ildӓ pӓnceşӓmbe könne iň êsse hӓm iň risklı könneň bulaçağın citkerӓ.

Şul uq ilneň “Le Figaro” basması Boris Djonsonnıň tirӓ-yağın Breksit tarafdarları belӓn ӓylӓnderep aluın belderӓ.

İspaniyada kön kürüçe “El Mundo” gazetı beldergӓnçӓ Bötendönya sӓlamӓtlek saqlaw oyışması yaqınça ber milliard yӓş’ keşeneň muzıka tawışın küp açuı arqasında saňğırayu riskı astında buluın citkerӓ.

Venesuêda basıluçı “Telesur” gazetı Porto Riko dӓwlӓt başlığı Rikardo Rosellonıň protest çaralarınnan soň wazifasınnan kitüen yaza.

TASS xӓbӓr agentlığı Forbeska kürӓ Xabib Nurmagomedovnıň 2019 yılda Rusiyӓ Federaŝiyaseneň iň uňışlı sportçıları isemlegendӓ berençe buluın citkerӓ.

Tatar-inform xӓbӓr agentlığı beldergӓnçӓ yazuçı hӓm tӓrcemӓçe Boris Vayner tatar ӓkiyӓtlӓren rus telenӓ tӓrcemӓ itep kitap çığardı. Kitap tösle rӓsemle bülӓk basma formatında çığarıldı hӓm anda tılsımlı tatar ӓkiyӓtlӓre tuplandı.