Dön'ya matbuğatına küzӓtü

“Alşark alavsat” gazetı beldergӓnçӓ Aq Yort İrannıñ atom-töş qoral yasawına röxsӓt birmӓyӓçӓk.

“Alkuds Alarabi” Törkiyӓneñ kisätülärennän soñ Xafter köçlӓreneñ 6 Törkiyӓ watandaşın irekkӓ cibӓrüen yaza.

“Alraya” basması Ğarӓp Ligasınıñ Qudüs-Yerusalimdağı İzrail qazuları mӓs’ӓlӓsendӓ kisӓtü yasawın citkerӓ.

“Deutsche Wirtschaftsnachrichten” basmasınıñ internettağı sӓxifӓse xӓbӓrenӓ kürӓ Qıtay, Rusiyӓ Federaśiyase hӓm Törkiyӓ dollardan altınğa yünӓlde.

Franśiyadӓ kön kürüçe “Le Mond” gazetı beldergӓnçӓ xökümӓt östendӓge basımnı saqlar öçen xastaxanӓlӓrneñ aşığıç yӓrdӓm kürsӓtü xezmӓtkӓrlӓre Parijda çara oyıştıra.

Şul uq ilneñ “Le Figaro” basması AQŞ dӓwlӓt başlığı Trampnıñ Franśiya ilbaşı Makron belӓn İrannıñ bayıtılğan uran dӓrӓcӓsen aşuın söylӓşüen yaza.

Rusiyӓneñ TASS xӓbӓr agentlığı İrkutsk töbӓgendӓ su basu arqasında ülüçelӓr sanınıñ 14kӓ citüen, 13 keşeneñ yuğaluın citkerӓ.

Ria Novosti beldergӓnçӓ Aêroflottan soñ Ural Airlines ta Çexiya Cömhüriyӓtenӓ oçqıç sӓfӓrlӓren tuqtattı.

“İzvestiya” gazetı Törkiyӓneñ S-400 raketa sistemaların Süriyӓ hӓm Tön'yaq Kipr Törek Cömhüriyäte belӓn çiklӓrenӓ urnaştıra aluın yaza.

Meksikada çığuçı “El Universal” gazetı xӓbӓrenӓ kürӓ AQŞ dӓwlӓt başlığı Donal’d Trampnıñ Meksika ilbaşı Lopez Obradornı maqtıy hӓm qaçaqlar mӓs’ӓlӓsendӓge tırışlıqları öçen tamğaxanӓ salımnarın beterӓ.

İspaniyada kön kürüçe “La Vangardia” gazetı Argentinanıñ tön’yaqğında barlıqqa kilgӓn ber avtobus faciğasında kim digӓndӓ 13 keşeneñ ülüen hӓm 30 keşeneñ yaralanuın citkerӓ.

Tatar-inform xӓbӓr agentlığı beldergӓnçӓ figuralı şuu buyınça olimpiya çempionı Alinӓ Zahitova Mӓskӓw Saban tuyınıñ maxsus qunağı bulaçaq. Bӓyrӓm 6 iyul’dӓ başqalanıñ “Kolomenskoye” muzey-tıyulığında uzaçaq.