Dön'ya matbuğatına küzätü 25.06.2019

Ğaräp ğazetı “Alşark Alawsat” yazğança, Tramp Xamänäy häm keşesez hawa apparatın bärep töşergän 8 keşegä qarşı awır sankśiyälär ğamälgä kertte.

“Alquds Alarabi” AQŞnıñ Baxreyn konferenśiyäsendä Yaqın Könçığış belän bäyle täwge iq’tisadi planın belderüe turında yaza.

Nemeś telendäge mäg’lümat çarası “Weser-Kurier” Germaniyädäge migrant sanınıñ Awrupa Berlegendä iñ yuğarı buluın xäbär itä.

“Deutsche Welle” Germaniyä säyäsätçeläreneñ İstanbul saylawlarında ciñgän Äkräm İmamoğlun qotlawların bastıra.

Franśiyäneñ  “Le Figaro” gazetı “Êmmanuêl’ Makron häm Êduard Filippegä cämäğat’çelekneñ teläktäşlege arttı” dip belderä.

Belgiyäneñ “Le Soir” gazetı yazğança, Brüssel’dä AQŞ ilçelegenä höcüm planlaştırğan keşe qulğa alındı.

Rusiyäneñ Lenta.ru xäbär säxifäse däwlät başlığı Vladimir Putinnıñ G20 sammitında AQŞ ilbaşı Donal’d Tramp belän oçraşaçağın belderä.

TASS xäbär agentlığı yazğança, Qırğızstan prokuraturası êlekkege däwlät başlığı Atambayevnıñ qağılğısızlığın beterüne uñayladı.

İspaniyäneñ “Êl Pais” gazetı xäbär itkänçä, Guaydo aldağı könnärneñ Nikolas Maduro öçen bik açıqlawçı bulacağın äytte.

Meksikanıñ “Êl Universal” gazetı ilneñ AQŞ çige yanında ike bäbäy, ber bala häm ber xatın-qıznıñ mäyetläre tabılu turında yaza.

Tatarstannıñ “Tatar-inform” xäbär agentlığı “Tatar qızı-2019” konkursınıñ näticälären belderä. Ul Mäskäwdä uzdı.