Dön'ya matbuğatına küzätü

Qayber çit il basmalarına küzätü

Dön'ya matbuğatına küzätü

 

Soğud Ğaräbstanında ingliz telendä çığuçı “Alşarq Alawsat” gazetı Rusiya Federaśiyäse däwlät başlığı Vladimir Putin oktyabr’ ayında Soğud Ğaräbstanına säfär yasıy dip belderä.

Katarnıñ “Al-Raya Al-Katariya” basması Soğud Ğaräbstanı häm Berläşkän Ğaräp Ämirlekläreneñ Sudandağı qanlı waqıyğalarğa qatışuları turında citkerä.

Livannıñ “Al-  Hayat” gazetı Livanda “Möselman qardäşlär” oyışmasına yaqınlığı belän belengän “Äl-Cemaa äl-İslamiyye” räsmilärennän Şäyeh Möxämmäd Kasım äl-Carrarnıñ üterelüen xäbär itä.

Argentinanıñ “Infobae” êlektron gazetı Amerika Quşma Ştatları ilbaşı Donal’d Trampnıñ Meksikağa tağın be tapqır tamğaxanä salımnarı kertü belän yanawı turında yaza.

Venesuêlanıñ “Telesur” kanalı beldergänçä,Nikaragua xökümäte yaqın waqıtta raslanğan Yarlqaw oyışması qanunı nigezendä 50 keşene irekkä cibärgän.

”Deutsche Welle” xäbär itkänçä ,Latin Amerikası alman şirkätlärenä dönya külämendä iñ yaxşı forsatlarnı tudıra .

 “Frankfurter Allgemeine Zeitung” beldergänçä, Germaniya tışqı êşlär ministrı Tähranda İran tışqı êşlär ministrı belän küreşep söyläşte.

Franśiyanıñ “Libération” gazetı Amazon dönyanıñ iñ köçle markası bularaq “Google”nıñ urının ala dip belderä.

“Vesti.ru” Dağıstannıñ Maxaçkala port şähärendä tankerda şartlaw barlıqqa kilüen citkerä.

”Regnum” agentlığı Moldova demokratik partiyäse liderı Rusiya Federaśiyäse prem’yer-ministr urınbasarı belän oçraşuında yäşeren säyäsi täq’dim yasadı dip xäbär itä.

“Tatarstannıñ “Tatar – inform” mäğ’lümat agentlığı xäbär itkänçä, Bötendönya tatar kongressınıñ milli sovetı citäkçelege qararı belän Mäskäw şähäre “Tatarlar ştabı” milli üseş üzäge töbäk ictimaği oyışmasınıñ “Bötendönya tatar kongressı” xalıqara berlege sostavındağı êşçänlege tuqtatıldı. Bötendönya tatar kongressı milli sovetınınñ aldağı utırışında şul xaqtağı mäs’älä qaralaçaq.

Älege agentlıq şulay uq 16 nçı iyün’dä N’yu-York tatarları Amerikanıñ iñ zur Saban tuylarınıñ bersen ütkärergä äzerlänä dip citkerä.

 

 



Bäyläneşle xäbärlär