Dönya matbuğatına küzätü 17.05.2019

 “Welt” gazetı yazğança Germaniya kanślerı Angela Merkel Awrupa Berlegendä wazıyfa başqarmayaçağın beldergän.

 “Deutsche Welle” Germaniyada mäktäplärdä uraza totu bäxäseneñ däwam itüen citkerä.

 “Süddeutsche Zeitung” gazetı Germaniyada ütkärelgän ber tikşerenü näticälären citkerä ,näticälärgä kürä ildä yaqınça 8 million keşe bik küp isertkeç êçemlek êçä, kübese monı êş urınında däwam itterä.

Soğud Ğaräbstanında ingliz telendä çığıçı “Alşarq Alawsat” gazetı Dubayda keçkenä oçqıç kilep töşüen häm qazada oçqıçtağı 4 yulçınıñ da ğomere özelüen xäbär itä.

Katarnıñ “Al-Raya Al-Katariya” gazetı Kuveyt yaqında töbäktä suğış çığa aluı turında kisätte dip blderä.

Livannıñ “Äl Hayat” gazetı beldergänçä, İran tışqı êşlär ministrı Amerika Quşma Ştatlarınıñ basımnarın “intixar ğamäle” bularaq bäyäläde.

“El Sol de México” basması yazğança, Trampnıñ yaña qaçaqlar planı tağın da agressiv.

Franśiyanıñ “Le Monde” gazetı AQŞ ilbaşı Donal’d Tramp “Xaq-xoquqqa iyä bulu”ğa nigezlängän küçenü modele teli dip belderä.

 “France 24” ETAnıñ êlekke şefı Djosu Terneranıñ Franśiyada saq astına alınuın xäbär itä.

Rusiyäneñ “Lenta.ru” xäbär agentlığı Amerika Quşma Ştatlarınıñ çäçän maxsus köçlärenä qarata sankśiyälär kertüen citkerä.

”RİA Novosti” beldergänçä, Ukrainanıñ yaña saylanğan ilbaşı Vladimir Zelenskiy parlamentnı tarqataçağın äytkän.

Tatarstannıñ “Tatar - inform” mäğ’lümat agentlığı  xäbär itkänçä, Tatarstan ilbaşı Röstäm Miñnexanov kiçä Törkiyägä  eş säfäre qısalarında İstanbul vilayät’ idaräse başlığı Ali Yerlikaya belän oçraştı. Ul anı Tatarstanğa cawap vizitı belän kilergä çaqırdı. Oçraşudan soñ Röstäm Miñnexanov Tarix,sänğät’ häm mädäniyat fänni tikşerenü üzägendä buldı.