Dönya matbuğatına küzätü 29.04.2019
Qayber çit il basmalarına küzätü
Soğud Ğaräbstanında ingliz telendä çığuçı “Alşarq Alavsat” gazetı Soğud Ğaräbstanı täxet varisı Sälmannıñ Yaponiya tışqı êşlär ministrı belän partnyerlıq mäs’äläläre xaqında söyläşüen belderä.
Katarnıñ “Al-Raya Al-Katariya” basması Amerika Quşma Ştatları ilbaşı Donal’d Trampnıñ Soğud Ğaräbstanına “Sez bay, bezgä tülägez, bez sezne saqlıyq” dip äytüen citkerä.
Livanda çığuçı “Al-Hayat” gazetı İran Hürmüz buğazın yabu häm atom-töş kileşüennän çigenügä işarätläde dip belderä.
“Ard.de” xäbär itkänçä, Germaniya tışqı êşlär ministrlığı Şri-Lankağa säfär qılaçaq watandaşların kisätte.
“Zdf.de” beldergänçä, Germaniyada yaqınça 3 million 38 meñ keşe ayda barı tik 2 meñ yevrodan az xezmät xaqı ala.
İspaniyanıñ” El Pais” gazetı ildäge ğomum saylawda Sośialist partiyanıñ ciñügä ireşüen ,ämma ittifaq tözüe kiräklegen citkerä.
Meksikada çığuçı “Jornada” gazetı Sakatekasta äylängän avtobusta 11 keşeneñ ğomere özelüen xäbär itä.
Franśiyanıñ “Le Monde” gazetı yazğança,dönyada qoral çığımnarı yaqınça 2000 milliard dollarğa citkän.
Fransiyanıñ “Le Figaro” gazetı 13 bala ağulanğannan soñ sırlar satudan alındı dip yaza.
Rusiyäneñ “TASS” xäbar agentlığı Rusiyäneñ xärbi çığımnarı iñ küp bulğan 5 il arasına kerä almawın belderä.
“Rusiyäneñ “Rambler” xäbär portalı Dumada êş könnären kimetü täq’dime belän çıqtılar dip yaza.
Tatarstannıñ “Tatar-inform” mäğ’lümat agentlığı xäbär itkänçä, Tatarstan ilbaşı Röstäm Minnexanov Törekmänstan däwlät başlığı belän söyläşülär uzdırdı.
Miñnexanov ağımdağı yılnıñ oktyabrendä Tatarstanda Törekmänstan mädäniyatı könnäre , ä kiläse yılnıñ aprelendä Törekmänstanda Tatarstan mädäniyatı könnäre ütkärergä täq’dim itte.
Söyläşülär Törekmänstannıñ milli bäyräme – Axaltekin at çabışı köne unayınnan uzdırılğan tantanalarda buldı.
Bäyläneşle xäbärlär
Dön’ya matbuğatına küzätü 27.08.2021
27nçe avgust könne çıqqan qayber çit il matbuğatı çaralarına küzätü