Dönya matbuğatına küzätü 26.03.2019

Angliyada basıluçı bäysez ğaräp gazetı “Alşark Alavsat” İzrailneň Livan häm Süriyä belän bulğan çigenä xärbilären urnaştıra başlawın yaza.

Baxreynda kön kürüçe “Axbar Al-Xalij” gazetı beldergänçä töbäkneň totrıqlılığı öçen Ğiraq, Yordaniya häm Misır arasında öç yaqlı oçraşu uzdı.

Germaniyaneň “Doyçe Velle” basması Germaniya-Franŝiya urtaq Parlamentında berençe utırışnıň uzuın citkerä.

İspaniyada çığuçı “La Vangardia” gazetı İspaniyaneň İzrailneň Golan qalqulıqları östendäge möstäqillegen tanımawın uquçıları belän urtaqlaşa.

Çilida basıluçı “La Terkera” gazetı xäbär itkänçä Venesuêla başqalası Karakas häm 13 vilayättä qabat ut bette.

Şveyŝariyaneň “Le Temps” basması ingliz xalıq ışanıçlılarınıň Breksit kontrolen qulğa töşerü öçen tawış birülären yaza.

Franŝiyadä kön kürüçe “Le Figaro” gazetı franŝuz EDF şirkäteneň cil ênergiyase ölkäsendä Qıtay belän 1 milliard yevrolık kileşü imzalawın xäbär itä.

Rusiyäneň TASS xäbär agentlığı AQŞ Wäkillär palatasınıň Rusiyäneň ênergetika ölkäsendäge täêsire belän köräş temalı qanun ölgesen raslawın citkerä.

RİA Novosti agentlığı Rusiyä tışqı êşlär ministrlığı süzçese Mariya Zaxarovanıň Amerikan jurnalistı Farid Zakarianıň ruslar häm amerikannardan ğafu ütenüe zarurlığın citkerüen xäbär itä. Zakaria monnan alda Trampnıň ruslar belän xezmättäşlek başqaruına qarağan video yazma kürsätkän ide.

“İzvestiya” gazetı Baqıda ber säwdä üzägendä yanğınnıň çığuın yaza.

Tatar-inform xäbär agentlığı Tatarstannıň xalıq artistı Salawat Fätxetdinovqa “Başqortstannıň xalıq artistı” isemeneň birelüen citkerä.