Dönya matbuğatına küzätü 18.03.2019

Angliyada basıluçı baysez ğaräp gazetı “Alşark Alavsat” Yämänneň qalqınuı öçen Kuveytnıň 5 kileşü imzalawın citkerä.

Livanda kön kürüçe “Al-Hayat” gazetı Ğiraq, Süriyä häm İran arasında öç yaqlı iminlek cıyılışınıň Dimäşktä uzuın yaza.

Qatarnıň “Al-Raya Al-Katariya” gazetı beldergänçä Dubai İzrailneň almaz taşı säwdäseneň töp üzäge bulıp tora.

Germaniyada basıluçı “Frankfurter Allgemeine Zeitung” gazetı Kristçörçtağı terror höcümennän soň höcümçeneň mäxkämädä üzen advokatsız yaqlayaçağın xäbär itä.

Spiegel Online media oyışması Êfiopiyadäge oçqıç qazası belän bäyle bularaq Boeing 737 Max oçqıçında injenerlar xatası buluın, pilotlarnıň närsä başqarırğa belmäwlären citkerä.

Franŝiyadä kön kürüçe “Le Figaro” gazetı beldergänçä sarı jiletlılarnıň xaqimiyätkä qabat basım yasawın yaza.

Şul uq ilneň “Le Mond” gazetı xäbär itkänçä suğıştan soňğı Süriyädä armiya dilemma üzägendä tora.

İspaniyada basıluçı “El Mundo” gazetı Çili däwlät başlığınıň tübändäge süzlären uquçıları belän urtaqlaşa: “Diktator Nikolas Maduronıň könnäre sanawlı”.

Argentinada çığuçı “El Klarin” gazetı beldergänçä Yaňa Zelandiya xökümäte cämiğqa höcümnärdän soň qorallanu qanunıň üzgärtergä qarar birde.

Rusiyä xäbär säxifäse Gazetem.ru däwlät başlığı Vladimir Putinnıň Qırım häm Sevastopolğa baraçağın citkerä.

TASS xäbär agentlığı Mäskäwdäge “Ostankino” televideniye üzägendä bomba xäbäre arqasında belgeç törkemnärneň tikşerü başqaruın belderä.

Turkrus xäbär säxifäse Törkiyä-Rusiyä Mädäniyät yılınıň 8 aprel’ könne Bol’şoy teatrında başlanaçağın yaza.

Tatar-inform xäbär agentlığı xäbär itkänçä Yaňa Zelandiya mäçetlärenä höcüm qorbannarı öçen yärdäm fondına 5 million dollar cıyılğan.