Dönya matbuğatına küzätü 15.03.2019

Soğud Ğaräbstanında ingliz telendä çığuçı “Alşarq Alawsat” gazetı Ğıyraq parlamentı Amerika ğaskärläreneñ ildän çığuı belän bäyle qanunnıñ äzer buluın belderä dip yaza.

Livannıñ “Al Hayat” basması Livan prem’yer-ministrı äl-Haririneñ süriyäle qaçaq krizisınıñ êçke totrıqlılıqqa yanıy aluı turında kisätüen citkerä.

İspaniyanıñ “El Mundo” gazetı Yaña Zelandiyada möselmannarğa qanlı höcüm yasaluın, qorallı törkemneñ 2 mäçetkä ut açuın belderä.

Perunıñ “El Komersio” basması yazğança, Boliviya däwlät başlığı Êvo Morales “Venesuêla xalqı üz ğorurın, namusın saqlap qalaçaq”dide.

Nikaraguanıñ “La Prensa” gazetı Awrupa parlamentı Nikaragua däwlät başlığı Daniêl’ Ortega citäkçelegenä sankśiya kertü çaqıruı urın alğan qararnı rasladı dip yaza.

Germaniyanıñ “ARD” televideniye kanalı Yaña Zelandiyada mäçetlärgä oyıştırılğan höcümnärdä küp keşe hälaq buluın citkerä.

 “Deutsche Welle” media oyışması beldergänçä, anketa näticälärenä kürä almannar Merkelnıñ 2021 nçe yılğa qadär kanśler bularaq qaluın teli.

“Spiegel Online” xäbär itkänçä, “ Boeing 737 Max” oçqıçı pilotı kütärelep kitügä kire töşep utıru öçen röxsät sorağan.  

Franśiyada çığuçı “Le Figaro” gazetı Yaña Zelandiyada 2 mäçetkä höcüm oyıştırılğannan soñ monıñ belän bäyle 4 keşeneñ qulğa alınuın citkerä.

Franśiyanıñ “Le Monde” gazetı Kraystçerçtä ike mäçetkä oyıştırılğan höcümdä küp sanda keşeneñ ğomere özelüe turında yaza.  

”RİA Novosti” yazğança, iminlek şurası NATO berlekläreneñ Rusiya çik buylarına cibärelüen belderde.

Rusiyädä çığuçı “İzvestiya” gazetı Amerika Quşma Ştatları yaqın häm urta radiuslı raketalarnı beterü turındağı kileşüdä tıyılğan raketalar êşläp çığara başladı dip yaza.

Tatarstannıñ “Tatar-İnform” mäğ’lümat agentlığı Tatarstan ilbaşı Röstäm Miñnexanovnıñ Tacikstan däwlät başlığı Êmomali Raxmonnıñ çaqıruı buyınça Düşämbedä Näwrüzne bäyräm itäçägen xäbär itä.