Dönya matbuğatına küzӓtü 08.03.2019

Angliyada çığuçı bӓysez ğarӓp gazetı “Alşark Alavsat” beldergӓnçӓ Amerika Quşma Ştatları İminlek şurasınnan İranğa çın mӓgnӓdӓ çiklӓwlӓrneñ ğamӓlgӓ kertelüen soradı.

Baxreynda kön kürüçe “Ahbar Al-Xalij” gazetı AQŞnıñ Üzӓk köçlӓr citӓkçese, general Djozef Votelnıñ DEAŞ terror oyışmasına qarağan suğışnıñ tiz genӓ azağına yaqınlaşmayaçağın ӓytüen citkerӓ.

Qatarda basıluçı “Al-Raya Al-Katariya” gazetı Keşe xoquqların saqlaw şurasınıñ Soğud Ğarӓbstanın ğayeplӓwen yaza.

Germaniyaneñ ARD televideniyese xӓbӓrenӓ kürӓ Kanśler Angela Merkel’ Xalıqara xatın-qızlar köne uñayınnan “Köçle xatın-qızlar köçe Germaniya” yullamasın yasadı.

Şul uq ilneñ “Şpigel Online” media oyışması Törkiyä ilbaşı Räcäp Tayyip Ärdoğan öçen prestij proyektınıñ çınğa aşırıluın, Törkiyӓdӓ iñ zur cӓmiğnıñ açıluın belderӓ.

Franśiyadӓ kön kürüçe “Le Figaro” gazetı xatın-qızlarnıñ haman da ir-atlarğa kürӓ ӓzrӓk xezmӓt xaqı aluın citkerӓ.

Kolumbiyaneñ RCN televideniye kanalı Venesuêlanıñ zur öleşendӓ utnıñ betüen xӓbӓr itӓ.

İspaniyada çığuçı “El Pais” gazetı beldergӓnçӓ Meksikada ber yök maşinasınıñ ӓylӓnüe nӓticӓsendӓ Urta Amerikalı 54 qaçaqtan 25e yaqtı dönyadan kitte.

Meksikada basıluçı “El Ekonomista” gazetı Argentinanıñ aqça berӓmlege pesonıñ dollar qarşında tarixınıñ in tübӓn dӓrӓcӓsenӓ töşüen yaza.

Rusiyӓ xӓbӓr agentlığı RİA Novosti Rusiyӓ Federaśiyase hӓm Törkiyӓneñ Qara diñgezdӓ urtaq xӓrbi künegülӓr oyıştıruın citkerӓ.

TASS xӓbӓr agentlığı beldergӓnçӓ dӓwlӓt başlığı Vladimir Putin Rusiyӓ xatın-qızların 8 Mart Xalıqara xatın-qızlar köne belӓn qotladı.

Lenta.ru xӓbӓr sӓxifӓse Germaniya Kanślerı Angela Merkelneñ Rusiyӓne qotırtu tӓqdimen kire qağuın belderӓ.