Dönya matbuğatına küzӓtü 07.03.2019

Angliyada çığuçı bӓysez ğarӓp gazetı “Alşark Alavsat” Süriyӓneñ könçığışındağı DEAŞ terror oyışmasınıñ soñğı nığıtmasında mӓyet islӓre taraluın, anda qaluçılarnın isӓ ülӓn aşawın yaza.

Livanda kön kürüçe “El Mustakbal” gazetı beldergӓnçӓ Törkiyä ilbaşı Räcäp Tayyip Ärdoğan S-400 raketalarınıñ satıp alınuında üzeneken itep: “Bu mӓs’ӓlӓdӓ kiregӓ adım yasalmayaçaq,” – di.

Qatarda basıluçı “Al-Raya Al Katariya” gazetı Qatarnıñ dönyadağı urının nığıtuın, Doxanı qamawçı illӓrneñ tetrӓnüen citkerӓ.

Germaniyaneñ “Virtşaftvoşe” basması Törkiyä ilbaşı Räcäp Tayyip Ärdoğannıñ inflyaśiyane 6-7% tirӓse töşerergӓ telӓwen yaza.

“Doyçe Velle” media oyışması Venesuêlanıñ Germaniya ilçesen ildӓn cibӓrüen xӓbӓr itӓ.

İspaniyadӓ basıluçı “El Pais” gazetı beldergӓnçӓ Nikolas Maduro alman ilçesen Venesuêladan qudı hӓm Awrupa belӓn mönӓsӓbӓtlӓrne kiyerenke xӓlgӓ kiterde. Venesuêlalı lider alman diplomatın ilneñ êçke êşlӓrenӓ qatışu belӓn ğayepli.

Şul uq ilneñ “El Mundo” gazetı ilneñ Bask töbӓgendӓ ütkӓrelgӓn ber tikşerenüneñ 2018dӓ xatın-qızlarğa qarata qırıslıq hӓm köçlӓwlӓrneñ 28,7%ka artuın kürsӓtüen citkerӓ.

Franśiyadӓ kön kürüçe “Le Mond” gazetı Huavey şirkӓteneñ Amerikan xökümӓtenӓ qarşı mӓxkӓmӓ dӓğwası açuın yaza.

Rusiyӓneñ “Nezavisimaya Gazeta” basması xӓbӓrenӓ kürӓ Sergey Lavrov Rusiyӓ Federaśiyaseneñ Amerikan raketalarınıñ dönyanıñ berӓr töbӓgendӓ urnaştırıluına simmetrik cawap qaytaru xoquqın saqlanğan itep kürüen belderӓ.

Lenta.ru xӓbӓr çeltӓre AQŞnıñ Belarusneñ Qırım mӓs’ӓlӓsendӓge totışın xuplawın citkerӓ.