Dönya matbuğatına küzӓtü 15.02.2019

İspaniyadӓ kön kürüçe “El Pais” gazetı prem’yer-ministr Pedro Sançesnıñ bügen waqıtınnan êlek saylaw könen açıqlayaçağın citkerӓ.

Şul uq ilneñ “La Vangardia” gazetı Venesuêlanıñ Kuba hӓm Qıtay belӓn tözegӓn kileşülӓr nӓticӓsendӓ tӓêmin itelgӓn 933 tonna yӓrdӓm materialınıñ ilgӓ kilüen yaza.

Angliyada basıluçı bӓysez ğarӓp gazetı “Alşark Alavsat” beldergӓnӓ Amerikan viśe-prezidentı Mayk Pens İrannıñ Yaqın Könçığış töbӓgeneñ tınıçlıq hӓm iminlege öçen iñ zur qurqınıç buluın ӓytüen citkerӓ.

Kuveytta kön kürüçe “El Vatan” gazetı Yordaniyada barlıqqa kilgӓn ike şartlawda 3 keşeneñ yaqtı dönyadan kitüen, 8 keşeneñ yaralanuın belderӓ.

Livanda basıluçı “El Hayat” gazetı Soğud Ğarӓbstanı tӓxet warisı, prinś Möxӓmmӓd Bin Sӓlmannıñ Paqıstan, Hindıstan, Qıtay, Malayziya hӓm İndoneziyane üz êçenӓ aluçı Aziya turına çığaçağın yaza.

Germaniyaneñ ARD televideniyese beldergӓnçӓ “Save the Children” waqıfı üz xisabında hӓr 5 baladan berseneñ krizis töbӓgendӓ yӓşӓwen citkerӓ.

Şul uq ilneñ “Doyçe Velle” media oyışmasına kürӓ Yaqın Könçığış konferenśiyasendӓ İranğa qarşı yaña ittifaqlar qorıla.

Alman “Bild” gazetı Sośial’ demokrat partiyaneñ sośial’ sӓyӓsӓtendӓge üzgӓreşlӓreneñ partiyağa tawış cıydıruın yaza.

Şveyśariyaneñ “Le Temps” gazetı suğış baruçı illӓrdӓ suğışçılardan kübrӓk balalarnıñ ülüen uquçıları belӓn urtaqlaşa.

Franśiyadӓ kön kürüçe “Liberation” gazetı beldergӓnçӓ Franśiya xökümӓte internetta urın alğan nӓfrӓt süzlӓrenӓ qarşı ӓzerlӓgӓn plannıñ neçkӓleklӓre belӓn urtaqlaştı.

Rusiyӓdӓ basıluçı “İzvestiya” gazetı AQŞ Senatınıñ Rusiyӓ banklarına qarata ixtimallı çiklӓwlӓrne yomşatuın citkerӓ.

Rusiyӓneñ TASS xӓbӓr agentlığı Rusiyӓ Sӓlӓmatlek saqlaw ministrınıñ ruslarnıñ isertkeç êçemlekne qayçan taşlayacağın ӓytüen yaza.

Xӓbӓrgӓ kürӓ Dӓwlӓt-cӓmӓğat’çelek sӓlamӓtlege programmalarınıñ nӓticӓlӓre 3-5 yıl êçendӓ alınaçaq. Ministr beldergӓnçӓ nindi çiklӓwlӓr quyılsa da, keşelӓrdӓge isertkeç êçemlek ixtıyacı uzmıyça bernӓrsӓ dӓ üzgӓrmӓs. Bu isӓ keşelӓrneñ êşlӓre hӓm tormışlarınnan qanӓğat’ buluı, kilӓçӓkkӓ optimist qarawı belӓn genӓ mömkin.