Dönya matbuğatına küzӓtü 07.02.2019

Angliyada kön kürüçe bӓysez ğarӓp gazetı “Alşark Alavsat” İrannıñ Amerikan ğaskӓrilӓreneñ Süriyӓdӓn çigüennӓn soñ barlıqqa kilӓçӓk buşlıqnı tutıru öçen êşkӓ kereşüen yaza.

Livanda basıluçı “Al Mustakbal” gazetı Xizbullahnıñ Livandağı yaña xökümӓttӓ urın aluınıñ İzrail hӓm AQŞnı borçuğa saluın citkerӓ.

T-Online internet sӓxifӓse İstanbulda küp qatlı binanıñ cimerelüen xӓbӓr itӓ.

Doyçe Velle media oyışması beldergӓnçӓ Germaniya öçen Al’ternativa partiyase Germaniya Töp qanunın saqlaw oyışmasına qarşı dӓğwa açtı.

İspaniyaneñ “El Pais” gazetı Venesuêlalı ğaskӓrilӓrneñ Kolumbiya humanitar yӓrdӓm cibӓrerü öçen qullanırğa telӓgӓn küperne yabuın yaza.

Şul uq ildӓ kön kürüçe “Lan Vangardia” gazetı üzen Venesuêlanıñ waqıtlıça ilbaşı itep iğlan itkӓn Xuan Guaydonıñ ğaskӓrilӓrgӓ küperne açu boyırığın birüen citkerӓ.

Franśiyaneñ “Le Mond” gazetı beldergӓnçӓ 2018 yılda ilgӓ sıyınu öçen mörӓcӓğat’ itüçelӓrneñ yaqınça yartısı Afrikadan kilӓ.

Rusiyӓneñ TASS xӓbӓr agentlığı Rusiyӓ Federaśiyaseneñ “Kalibr” ciröste raketa sistemasın bıyıl yasıy alaçağın uquçıları belӓn urtaqlaşa.

RİA Novosti xӓbӓr agentlığı Êkvadorda ber rus turistınıñ üterelüen citkerӓ.

Rusiyӓdӓ kön kürüçe “İzvestiya” gazetı Xillari Klintonnıñ Trampnıñ Urta radiuslı atom-töş köçlӓr kileşüennӓn çigenü qararın Putinğa bülӓk itep taswirlawın yaza.

Tatar-inform xӓbar agentlığı İstanbulda 7 qatlı binanıñ cimerelüen xӓbӓr itӓ. Ğadӓttӓn tış xӓl nӓticӓsendӓ 3 keşe hӓlaq buldı, 12 keşe yaralandı. 7 qatlı binada 27-30 keşe yӓşӓgӓn.