Dönya matbuğatına küzӓtü 30.01.2019

Angliyada basıluçı bӓysez ğarӓp gazetı “Alşark Alavsat” Googlenıñ DEAŞ terror oyışmasına quşılularına qomaçawlar öçen xatın-qızlarnı küzlӓw astında totuın belderӓ.

Livanda kön kürüçe “Al Hayat” gazetı Berlӓşkӓn Ğarӓp Ӓmerleklӓreneñ tovarlarına êmbargo qullanuı nigeznamӓse belӓn Qatarnı Xalıqara sӓwdӓ oyışmasına şiqayӓt’ itüen yaza.

Franśiyaneñ “Le Parisien” gazetı ildӓ küzӓtelüçe Gabriêl’ dawılı arqasında 15 töbӓktӓ qar hӓm boz kiśatüeneñ yasaluın citkerӓ.

Şul uq ildӓ kön kürüçe “Le Figaro” gazetı Franśiyaneñ 2018dӓ iqtisadi üseş tizlegeneñ 1,5%ka kimüen xӓbӓr itӓ.

Yӓnӓ Franśiyadӓ basıluçı “Liberation” gazetı Awrupa Şurasınıñ sarı jiletlı protestçılar çaralarınıñ köç qullanıp bastırıluınnan borçu toyuın yaza.

Germaniyaneñ “Bild” gazetı alman naśistlarınıñ Çexiya Cömhüriyӓte hӓm Bolgariyada qoraldan atuların citkerӓ. Xӓbӓrgӓ kürӓ çiktӓn tış uñçı almannar çit ildӓ qoraldan atu öçen cıyıldı. Maqsatlarınıñ utlı qoral qullanırğa öyrӓnü buluı açıqlandı.

Rusiyӓneñ “İzvestiya” gazetı Nikolas Maduronıñ Venesuêlanıñ Rusiyӓ hӓm Qıtayğa bulğan barlıq finans cawaplılıqların cirenӓ citkerӓçӓgen ӓytüen xӓbӓr itӓ.

Venesuêlada kön kürüçe “Ultimas Noçias” gazetı Venesuêla ilbaşı Maduronıñ ildӓge qırıslıqtan AQŞ dӓwlӓt başlığı Trampnıñ cawaplı buluın ӓytüen citkerӓ.

İspaniyaneñ “El Pais” gazetı İspaniyadӓ küp ğailӓneñ çit il balaların üz ğailӓlӓrenӓ aluın yaza.

“Tatar-inform” xӓbӓr agentlığı Tatarstan başqalası Qazan üzӓgendӓ passajir avtobusınıñ bağanağa bӓrelüen citkerӓ. Yul-transport faciğase Mӓskӓw uramında “ŚUM” qarşında bulğan. Yulçılarnıñ zıyan kürüe turında ӓlegӓ mӓğlümat yuq.