Dönya matbuğatına küzӓtü 22.01.2019

Franŝiyaneň “Le Mond” gazetı Süriyӓdӓ körd hӓm Amerikan köçlӓren maqsat itep alğan höcümne DEAŞ terror oyışmasınıň üz östenӓ aluın yaza.

Şul uq ildӓ kön kürüçe “Le Figaro” gazetı franŝuz xökümӓteneň Süriyӓdӓ aktiv bulu öçen köç quyuın citkerӓ.

İspaniyaneň “El Mundo” gazetı Malaga şӓhӓrendӓ qoyığa töşkӓn balanı qotqaru öçen vertikal’ tunnellӓrneň qazılıp betüen belderӓ.

Argentinanıň “El Klarin” gazetı Venesuêlada xӓrbi baş kütӓrüneň bastırıluın, baş kütӓrü çaqıruın yasağan ğaskӓrilӓrneň qulğa alınuın yaza.

Germaniyaneň “Doyçe Velle” media oyışması Germaniya belӓn Franŝiya arasında dustanӓ mönӓsӓbӓtlӓrneň köçӓyüen citkerӓ. Yelisey kileşüendӓ yasalaçaq üzgӓreşlӓr belӓn Germaniya-Fransiya duslığı tirӓnӓyӓçӓk hӓm Awrupa Berlege reforması ӓzerlӓnӓçӓk.

Şul uq ildӓ basıluçı “Handelsblat” gazetı dönya iqtisadınıň ӓkrenӓyü hӓm torğınlıqnıň küzӓtelüen yaza. Germaniya iqtisadi yaqtan artta qala ala.

Germaniyada kön kürüçe “Ausburger Algemayne” gazetı Törkiyӓ ildӓn çığarğan Ausburglı ber keşeneň terrorçılıqqa bӓylӓneşe buluı şöbhӓse belӓn törmӓgӓ utırtıluın xӓbӓr itӓ. Bu keşeneň 2017dӓ Törkiyӓ aşa Süriyӓdӓge ber terror lagerenӓ barırğa tırışqanda qulğa alınuı hӓm Bavyerağa cibӓrelüe açıqlandı.

Rusiyӓneň “Kommersant” gazetı Qara diňgezdӓge Kerç buğazında çıqqan yanğın nӓticӓsendӓ 10 diňgezçenen ülüen, 12 keşeneň qotqarıluın, 10 keşeneň yuğaluın citkerӓ.

“Tatar-inform” xӓbӓr agentlığı Tatarstan dӓwlӓt başlığı Röstӓm Miňnexanovnıň Şveyŝariyağa kilüen yaza. Prezident Davosta Bötendönya iqtisadi forumı açılışında qatnaştı.