Dön’ya matbuğatına küzätü 03.01.2018

 Rusiya Federaśiyäseneñ “Sputnik” xäbar agentlığınıñ internet säxifäsendä urın alğan  “Törkiyä İranda totrıqlılıqnı saqlap qaluğa zur ähämiyät birä” isemle xäbärennän kürengänçä, Törkiyä İranda tınıçlıq häm totrıqlıqnı saqlap qaluğa zur ahämiyä birüen belderde. Tışqı êşlär ministrlığı İranda 20 dän kübräk şähärgä taralğan protest çaraları belän bäyle belderü yasadı.

Belderüdä İranda 28 nçe dekabr’dä başlanğan protestlarnıñ däwam itüe häm waqiğalarda ülüçelär bulunıñ , däwlät binalarınıñ zıyan kürüeneñ borçu tudıruı assızıqlandı.

Belderüdä Törkiyäneñ İrannıñ ictimaği xozurı häm totrıqlılığın saqlawğa zur ähämiyät birüenä basım yasaldı, ilbaşı Xasan Ruxaninıñ xalıqnıñ tınıç maqsatlı rizasızlıq belderü xoquqına iyä buluın ,ämma qanunnarnı cirgä salıp taptamaw häm däwlät mal-mölkätenä zarar birmäw kiräklege turındağı belderüen küzdä totıp qırıslıqtan yıraq toru häm provokaśiyalarğa birelmäw kiräklege citkerelde.

Paqıstannıñ “Jang” gazetı” Çavuşoğlu şaqtıy Awrupa ileneñ Törkiyäneñ Awrupa Berlegenä äğ’zalığına yaqlaw kürsätüen belderde” isemle xäbärendä Törkiyä tışqı êşlär ministrı Mävlüt Çavuşoğlunıñ küp kenä Awrupa ileneñ Törkiyäneñ Awrupa Berlegenä äğ’za buluın xuplawı turında äytüen citkerä.

Gazet yazuınça, Änkara xökümäte haman da Törkiyäneñ Berlekkä tulı äğ’za buluın teli. Çavuşoğlu bu xaqta “Ägär Awrupa Berlege Törkiyäne Berlekkä almaw turında qarar qabul itä ikän  bu alarnıñ mäs’äläse. Törkiyä tulı äğ’zalıq yaqlı. Äğ’zalıqqa bik az il qarşı” dide.  

”Qırım”xäbar agentlığı (QHA)”Törkiyä qunaqxanä citäkçeläre 2018 nçe yıl öçen maqsatların açıqladı” isemle xäbärendä Törkiyä qunaqxanälär federaśiyäse başlığı Osman Ayıknıñ 2018 nçe yılda 2014 nçe yıl kürsätkeçlärenä ireşüne maqsat itep quyuları turında äytüen belderä.

 Ayık:” 2014 nçe yıl – Törkiyä turizmındağı iñ yaxşı yıl ide. Yaqınça 40 million tiräse çit il turistı häm 35 milliard dollar tiräsendä turizm tabışı. Bolar bügenge köngä qadär iñ yaxşı kürsätkeçlär. 2018 nçe yılda bezneñ iñ möhim maqsatıbız – qabat bu kürsätkeçlärgä ireşü”,-dide.

 Amerika Quşma Ştatlarınıñ “CNN” xalıqara xäbär kanalı” Cänk Tosunnıñ  başqa klubqa kitüe öçen Djek Bauêrğa wäqalät” isemle xäbärendä Törkiyäneñ “Bäşiktaş” komandası futbolçısı Cänk Tosunnı Angliyäneñ “Êverton” komandasına alu êşen taqımnıñ texnik direktorı Êllardaysnıñ  Djek Bauêrnı wazıyfalandıruın citkerä.