Dönya matbuğatına küzӓtü 13.12.2017

Angliyadağı “Reuters” xӓbӓr agentlığı Törkiyӓ ilbaşı Ӓrdoğannıň yuğarı proŝent bulğan ildӓ inflyaŝiya tübӓnӓyüeneň mömkin bulmawın ӓytüen citkerӓ.

Xӓbӓrgӓ kürӓ Ӓnkarada yasağan çığışında: “Min yuğarı proŝentka qarşı buluımnı qabat açıqlıym. Çönki yuğarı proŝent bulğan ildӓ inflyaŝiya tübӓnӓyüe mömkin tügel. Monı belep torığız,” – dide.

Rusiyӓdӓge “Sputnik” xӓbӓr agentlığı Törkiyӓneň tışqı êşlӓr ministrı Mӓwlüt Çavuşoğlu şӓxsi televideniye kanalında yasağan açıqlawında separatist PKK terror oyışmasınıň Süriyӓdӓge törkeme PYD/YPG kontrolendӓge Afrinğa Törkiyӓneň ixtimallı operaŝiyase belӓn bӓyle açıqlaw yasawın citkerӓ.

Xӓbӓrdӓn kürengӓnçӓ Çavuşoğlu töbӓktӓn Törkiyӓgӓ qarata yanawlar hӓm höcümnӓrneň kilüen, texnik plannar yasalğannan soň kinӓt qatışa alaçaqların ӓytte.

İrandağı “IRIB” xӓbӓr agentlığı İran tışqı êşlӓr ministrlığınıň Aziya hӓm Tın okean töbӓgennӓn cawaplı ministr urınbasarı İbrahim Rahimpur İran ilbaşı Xӓsӓn Ruxani hӓm Törkiyӓ ilbaşı Ӓrdoğan söylӓşülӓre sanınıň soňğı waqıtta kübӓyüen belderep, bu wazğiyӓt’ne yaxşığa bӓyӓlӓwlӓren açıqladı.

Xӓbӓrgӓ kürӓ Ruxanineň İstanbuldağı oçraşuda qatnaşuı mӓs’ӓlӓsendӓ jurnalistlarğa açıqlaw yasağan Rahimpur tübӓndӓgeçӓ beldergӓn: “Ӓrdoğan - İslam xezmӓttӓşlek oyışması rӓise. Tabiği bularaq bu oyışmanıň çirattantış cıyıluın oyıştıra hӓm ӓzerli.”

Franŝiyadağı “Euronews” xalıqara xӓbӓr kanalı Amerika Quşma Ştatlarınıň Yerusalimne İzral başqalası bularaq tanuı qararınnan soň Törkiyӓdӓ oyıştırılğan protest çaralarına İstanbuldağı taksistlarnıň da qatnaşuın xӓbӓr itӓ.

Xӓbӓrdӓn kürengӓnçӓ İstanbul yullarında konvoy barlıqqa kiterep hӓm signal birep, reakŝiyalӓren beldergӓn taksistlar qararnıň xoquqsız buluın hӓm möselman dönyasınıň berqayçan da tanımayacağın açıqlar öçen yullarğa çıqtı.

Xӓbӓrgӓ kürӓ Törkiyӓ hӓm Fӓlӓstin bayraqları belӓn çara oyıştırğan taksistlar AQŞnıň İstanbuldağı konsullığı aldında cıyılıp, boykotka çaqırdı.