Dönya matbuğatına küzätü 02.08.2017

Amerika Quşma Ştatlarındağı “Tyorkiş N’yuyork” (Turkish Newyork ) web portalınıñ “İdlibtağı terror qorılışı Törkiyä belän bäyle qılına alınmas” dip atalğan yazmasında Törkiyä İlbaşı idaräse süzçese İbrahim Qalınnıñ Amerika Quşma Ştatlarınıñ “DEAŞ” belän köräş maxsus wäkile Brett McGurknıñ İdlibtağı terror oyışmalarınıñ barlığı belän Törkiyäne bäyle qıluınıñ qabul itelmäyäçägen äytüe citkerelä.

Germaniyanıñ “Doyçe Wella" (DW) teleradiokompaniyası: “İslam xezmättäşlek oyışmasınnan İzrailgä gäyepläw” isemle yazmasında İstanbulda cıyılğan İslam xezmättäşlek oyışması tışqı êşlär ministrlarınıñ İzrailneñ Äl-Aqsa mäçetenä qarata ğamällären "provokativ" dip bäyäläp gäyepläwen xäbär itä.

İrannıñ “İRNA” xäbär agentlığı “Törkiyä häm İran Tışqı êşlär ministrları İstanbulda Fälästin mäs’äläsen söyläşte” dip atalğan yazmasında Törkiyä Tışqı êşlär ministrı Mäwlüt Çavuşoğlunıñ İran xezmättäşe Cäwad Zarif belän küreşep, Qudüs-Yerusalimgä qağılışlı täräqqiyätlär belän ber rättän ike yaqlı häm regional’ mäs’älälärdä fiker alışuın belderä.

Azärbaycannıñ “Trend” basması “Zur yarış başlıy” isemle yazmasında YEKA cil ênergiyası yañartıla alınğan ênergiya çığanaq mäydannarına qağılışlı tendernıñ atnakiçen ütkäreläçäge mäğlümaten birep, cil ênergiyası bazarınıñ 90%ın üz qulında totuçı 8 şirkätneñ Törkiyäneñ cir ênergiyası öçen yarışaçağın belderä.