Dön'ya matbuğatına küzätü 22.02.2017

İrannıñ “İrna” agentlığı “Senator Makkäyn “DEAŞ” belän köräştä AQŞnıñ Törkiyä belän xezmättäşlek ürnaştıruın teläde” isemle yazmasında “Cömhüriyätçe” senator Makkäynneñ Tön’yaq Ğiraqta häm Süriyädä “DEAŞ” belän köräş mäs’äläsendä Amerika Quşma Ştatlarınıñ Törkiyä belän xezmättäşlek urnaştıruın teläwen citkerä:

“Senator Makkäyn İlbaşı Räcäp Tayyip Ärdoğan belän söyläşüennän soñ bastırğan matbuğat beldergesendä bolay dip äytkän: “Söyläşüdä Süriyädäge soñğı täräqqiyätlärne täfsille räweştä qarap çıqtıq. Amerika Quşma Ştatlarında citäkçelekneñ almaşuı – Süriyädä Amerika Quşma Ştatlarının säyäsätlären yañadan küzdän kiçerüe mäs’äläsendä uñaylı forsat täşkil itüen uylıym. Amerika Quşma Ştatları “DEAŞ”nı yuqqa çığaru, başqa terror törkemnäreneñ köç qazanuına qarşı köräş alıp baru häm Yaqın Könçığış töbägendä tigezlekne täêmin itü mäs’äläsendä Törkiyä belän xezmättäşlek urnaştırırğa tiyeş. Bez sabırsızlıq belän Törkiyä belän xezmättäşlekneñ başlanuın kötäbez häm şuşı xezmättäşlek näticäläreneñ Süriyädäge wazğiyätneñ yaxşıruı öçen faydalı bulaçağın ömet itäbez.”

Angliyanıñ “Royters” agentlığı (Reuters) “Törkiyä premyer-ministrı Yıldırım: “Törkiyä AQŞnıñ yaña citäkçelegeneñ Gülän mäs’äläsendä tağın da añlayışlı bulaçağın kürä”” dip atalğan yazmasında Törkiyä Premyer-ministrı Binali Yıldırımnıñ Törkiyäneñ Amerika Quşma Ştatlarınıñ yaña citäkçelegeneñ “Fätullahçı” (FETÖ/PDY) terror oyışması/parallel däwlät qorılışınıñ atamanı Fätullah Gülänneñ qaytarıluı mäs’äläsendä tağın da añlayışlı häm tağın da sizger bulaçağın  kürüen äytüen yaza:

“Yıldırım sişämbe könne “Aq” partiyanıñ Törkiyä Böyek Millät Mäclesendäge törkem cıyılışında xalıq ışanıçlıları aldında yasağan çığışında Änkaranıñ iyül’ ayında Törkiyädäge tüntäreleş kereşüen oyıştıruda gäyeplägän Gülänneñ qaytarıluı mäs’äläsendä Amerika Quşma Ştatları räsmiläre belän söyläşülärneñ alıp barıluın belderde.”

Üzäge Qatarda urnaşqan “Äljäzirä törek” (Aljazeera Türk) internet säxifäsendäge “Töreklärneñ tigezlegen üz itä almıylar” isemle yazmada Tön'yaq Kipr Törek Cömhüriyäte İlbaşı Mostafa Aqıncı belän Törkiyä Tışqı êşlär ministrı Mäwlüt Çavuşoğlu Lefkoşada ütkärgän üzara häm wäkilleklärara söyläşülärdän soñ oyıştırğan matbuğat oçraşuı turında mäğlümat birelä:

“Aqıncı Kiprda söyläşülärneñ alıp barıluı häm uñay yünäleştä yul uzıla alınmawnıñ Kipr grek yağınıñ totışına bäyle buluın, monıñ kiläçäktäge buluı mömkin çişeleştä törek qoruçı däwläteneñ kön’yaqtağı belän säyäsi bularaq tulısınça tigez bulaçağın häm bu säyäsi tigezlekneñ bertörkem kürsätkeçläreneñ dä bulaçağın Kipr grek tarafınıñ äle haman üz itä almawına bäyle buluın äytte.

Törkiyä Tışqı êşlär ministrı Çavuşoğlu da: "Söyläşülär barışı - soñğı forsat täräzäseder”, - dip assızıqladı.

Rusiyäneñ “TASS” agentlığı “Törek hawa yulı şirkäte “Onur Air” mayda İstanbul-Jukovskiy säfärlären başlataçaq” isemle xäbärendä “Ramport Aero” şirkäte başlığının berençe urınbasarı Yevgeniy Solodilinnıñ “Onur Air” törek hawa yulı şirkäteneñ İstanbul-Jukovskiy säfärlären başlataçağın häm oçışlarnıñ 2nçe mayda başlatıluınıñ planlaştırıluın äytüen belderä:

“Hawa yulı şirkäteneñ düşämbe könne bilet sata başlawın assızıqlawçı Solodilin: "Xäzergä barı tik İstanbul-Jukovskiy-İstanbul säfärläreneñ yasaluı planlaştırıla”, - dip äytte.”