dönya matbuğatına küzätü 14.12.2016

Germaniyanıñ DPA (“Deutsche Presse”) agentlığı “Awrupa Berlege Törkiyä belän dialognı açıq totaçaq” dip atalğan yazmasında Awrupa Berlegeneñ “Fätullahçı” (FETÖ/PDY) terror oyışması/parallel däwlät qorılışınıñ 15nçe iyül’däge tüntäreleş kereşüennän soñ Törkiyä belän bäyle bularaq berençe tapqır anıq mäğnädä adımnar yasawın yaza:

“Berlek äğzase illär sişämbe könne ütkärgän söyläşülär häm bäyäläwlär näticäsendä Awstriya häm Awrupa Parlamentınıñ Törkiyä belän äğzalek söyläşüläreneñ tuñdırıluı räweşendäge kiñäşlären ütämäde. Bu räweşle Awrupa Berlege Bryusseldäge ministrlar cıyılışında Törkiyägä işeklären yapmıyça, dialognıñ däwam itelüe qararına kilde”.

Hindıstannıñ “Jansatta” könlek gazetı ““PKK” könbatıştan alğan qorallarnı “DEAŞ”qa qarşı tügel, Törkiyägä qarşı qullana” isemle yazmasında Könbatış illäreneñ “PKK/PYD” terror oyışmasına “DEAŞ” terror oyışmasına qarşı köräş alıp baruı öçen qorallar birüen, fäqät “PKK”nıñ bu qorallarnı Könbatış qurıqqan “DEAŞ”qa qarşı tügel, ä Törkiyägä qarşı qullanuın belderä:

“Oyışma terror êşçänlegen barı tik Törkiyä cirlärendä başqara. Bolarğa “DEAŞ” belän suğışu qıyulığın birgän köçlär (Könbatış) başqa terror törkemnärenä dä xärbi kiräk-yaraqlarnı tarata. Bu räweşle Könbatışnıñ ikeyözle säyäsäte açıq räweştä bilgele bula. Nigezdä uylanıluı zarur mäs’älä: terrorçılıq belän köräş alıp baruın daimi qabatlap baruçı illärneñ şöbxäle xäräkätläre. Ber yaqtan, terrorçılarğa qarata borçıluların citkeräsez, ikençe yaqtan da finans, qoral häm xärbi yärdäm kürsätäsez. Ägär dönya külämendä terrorçılıq aqılın cuyğan totışta bulsa, monıñ barı tik ber säbäbe genä bula ala: ike yäisä öçyözle xäräkät räweşläre. Monıñ da iñ yaña misalı - İstanbuldağı terror höcümendä anıq räweştä kürenä.”

Azärbaycannıñ “Yäni Müsava” gazetı “Separatist terror oyışması çittän çığanaq ala” isemle yazmasında soñğı 35 yılda Törkiyädä 35 meñnän kübräk tınıç xalıqtan häm iminlek xezmätkäreneñ “PKK” terror oyışmasınıñ qorbanı buluın xäbär itä:

“Törkiyä yıllar buyı oyışma belän köräş alıp bara. “PKK”nıñ artında Törkiyäneñ üsüen telämäwçe häm oyışmağa qoral täêmin itüçe illär bar. Monı berkem dä inqyar itä almıy. Hiçber terrorçı törkem logistik yärdäm häm qoral almıyça terror ğamällären başqara almıy. “PKK” terrorçı sanın här yıl baliğ bulğan balalarnı mäcbürläp tawğa urlap arttırırğa tırışsa da soñğı 1 yıl oyışmağa kerü bik azaydı. Ä menä bu çaqlı şartlatqıç, qoral, raketa, modern êlemtä cihazları, mäğarälärdä yäşäwçe terrorçılarnıñ aşamlıqları, xärbi kiräk-yaraqları qaydan täêmin itelä? “PKK”ğa härtörle yärdämne kürsätüçe illärneñ töp maqsatı – Törkiyäne bülgäläw, keçeräytü, köçsezlätü. Fäqät monı açıq itep telgä ala almıylar.”

Franśiyanıñ “Liberasion” (Liberation”) könlek gazetı “Donal’d Trampnıñ Törkiyä qızıqsınuı” dip atalğan yazmasında Amerika Quşma Ştatlarında ğinwar ayında İlbaşı wazıyfasın üz östenä alaçaq Donal’d Trampnıñ möselmannar belän bäyle süzlärennän soñ Törkiyäneñ Amerika Quşma Ştatlarınıñ köçle säwdä häm strategik urtağı (partnyorı) bulaçağına oxşawın yaza:

“Amerika Quşma Ştatlarında “Breibart News” internet säxifäsenä äñgämä birüçe Donal’d Tramp, İstanbulnıñ söykemlelegenä basım yasap, şuşı üzenä cälep itüçe şähärdä bik möhim küçmäs milekneñ buluın äytte. İstanbulnıñ Awrupa yağındağı berse 37, ikençese isä 39 qatlı “Trapm Tower”lar 2012nçe yılda Şişli bistäsendä salındı. Tramp êşmäkär bularaq Törkiyäneñ bik tabışlı buluın hiç yäşermäde. İstanbulda häm İzmirdä investiśiyäläre saldı. Tramp 15nçe iyül’ tüntäreleş kereşüennän soñ da Törkiyägä yaqlaw yullamaların yasadı. Ärdoğan da Tramp İlbaşı bulıp saylanğaç üzen täbrik itte.