dönya matbuğatına küzӓtü

Rusiyӓdӓge “RİA NOVOSTİ” xӓbӓr agentlığı Törkiyӓ ilbaşı Rӓcӓp Tayyip Ӓrdoğannıň yasağan açıqlawında Törek qorallı köçlӓreneň yӓrdӓme belӓn oppoziŝiyaçel’ İrekle Süriyӓ armiyaseneň ӓl Bab şӓhӓren “DEAŞ” terror oyışmasınnan azat itüennӓn soň Minbickӓ yünӓlӓçӓgen belderüen citkerӓ.

Xӓbӓrgӓ kürӓ Törkiyӓ ilbaşı tübӓndӓgeçӓ belderde: “Ӓl Babtan soň Minbicka baraçaqbız. Anda Süriyӓle kördlӓrneň terror oyışmaları bar. Alar könçığışqa barırğa tiyeş, moňa süz birdelӓr. Ber öleşeneň kitüen ӓytӓlӓr. Bu cirlӓr alarnıqı tügel, anda ğarӓplӓr yӓşi. Ğarӓplӓr yӓşi birsen, Törkiyӓneň anda urnaşırğa niyӓte yuq.”

İrandağı “İRNA” xӓbӓr agentlığı Ӓnkarada ğaskӓrilӓr utırğan transport çaralarına qarata 17nçe fevral’ könge oyıştırılğan intixar höcümen qarağan mӓxkӓmӓneň sişӓmbe könne PKK terror oyışmasınıň Awrupadağı atamanı hӓm Süriyӓdӓge törkeme PYD liderı xaqında bu höcümnӓrgӓ bӓylӓneşeneň buluı nigeznamӓse belӓn qulğa alu qararın qabul itüen citkerӓ.

Xӓbӓrdӓn kürengӓnçӓ ӓlege qararğa kürӓ Salih Müslim belӓn ber rӓttӓn Zübӓyer Aydar, Rӓmzi Kartal, Cӓmil Bayık, Murat Karayılan hӓm Fӓhman Xösӓyen xaqında qulğa alu qararı qabul itelgӓn keşelӓr arasında urın ala. Mӓxkӓmӓ barlığı 48 keşe xaqında qulğa alu qararın qabul itte.

Xӓbӓrgӓ kürӓ Ӓnkara xökümӓte PYD hӓm YPGne PKK terror oyışmasınıň törkemnӓre bularaq tanıy.

Germaniyadӓge DPA xabӓr agentlığı Törkiyӓ ilbaşı Ӓrdoğannıň Fӓtullah Gülӓn terror oyışması tarafdarlarına qarşı ayawsız körӓşne dӓwam iterüne telӓwen citkerӓ.

Xӓbӓrgӓ kürӓ Ӓrdoğan sişӓmbe könne Ӓnkaradağı poliŝiya akademiyasendӓ uzğan ber iminlek konferenŝiyasendӓ tübӓndӓgeçӓ belderde: “Dӓwlӓtneň bu xainnӓr törkemennӓn tulısınça çistartılmawın belӓbez. Alarğa bu ilne qaldırmayaçaqbız hӓm alarnıň xalqıbızğa basım yasawına röxsӓt birmӓyӓçӓkbez. Kirӓkle nӓrsӓlӓrne başqaraçaqbız.”

Xӓbӓrdӓ Törkiyӓ ilbaşınıň çit ildӓn kilgӓn tӓnqitlӓrgӓ cawap bularaq berkemneň dӓ Törkiyӓneň êçke mӓs’ӓlӓlӓrenӓ qatışu xaqınıň bulmawın açıqlawı urın ala. Ӓrdoğan tübӓndӓgeçӓ dӓwam itte: “Törkiyӓneň terrorçılıq belӓn körӓşe soňğı terrorçıdan arınğançığa qadӓr baraçaq. Bu körӓş ğadӓttӓn tış xӓl betkӓnnӓn soň da dӓwam itӓçӓk.”

Gresiyadӓge Zougla xӓbӓr agentlığı ber törkem Kiprlı grek hӓm Kiprlı törekneň yӓkşӓmbe kiçen urtaq çarada Kiprnıň qabat berlӓşüe talӓben açıq rӓweştӓ citkerüen belderӓ.

Xӓbӓrgӓ kürӓ çara Lefkoşanıň ara töbӓgendӓ urın alğan “Çӓtinkaya” mӓydanına oyıştırılğan hӓm 120 Kiprlı Grek belӓn kiprlı törek oyışması ӓğzalӓre qatnaşqan. Kipr problemasına çişeleş tabu yaqlı şiğarlӓr ӓytelgӓn.

Xӓbӓrdӓn kürengӓnçӓ urtaq açıqlawda: “Kileşelgӓn çişeleş tırışlıqların xuplıybız. İke lidernı citdi rӓweştӓ söylӓşü ütkӓrergӓ, ayıruça Kipr xalqınıň, kiprlı greklar hӓm kiprlı töreklӓrneň kötkӓnnӓren qanӓğatlӓnderӓçӓk kileşü tӓêmin itӓrgӓ çaqırabız,” – dip ӓytelgӓn.