dönya matbuğatına küzätü 02.11.2016

Germaniyanıñ DPA (Deutsche Presse) xäbär agentlığı “Törkiyä Ğiraq belän çik buyı töbägenä tank cibärä” dip atalğan yazmasında däwlätneñ “Anadolu” agentlığınıñ xärbi dairälärgä tayandırğan xäbärendä sişämbe könne başqala Änkaradan ber konvoynıñ çik buyına 30 çaqrım yıraqlıqta urnaşqan kön’yaq-könçığıştağı Silopigä taba yulğa çığuın citkerä:

Saqlanu minstrı Fikri Işıknıñ mäs’älä belän bäyle bularaq: “Törkiyä här ixtimalğa qarşı aldan äzerlegen yasarğa mäcbür. Bu – şuşı äzerlekneñ ber öleşe”, - dip äytüe assızıqlanğan xäbärdä ministrnıñ Törkiyäneñ üz cirlärendä terrorçılıq belän köräş alıp baruın, ber ük waqıtta çikneñ Ğiraq yağında “möhim täräqqiyätlärneñ” barlıqqa kilüen belderüen yaza.

Franśiyanıñ AFP “Frans Press” agentlığı “Törkiyä premyer-ministrı ülem cäzasınıñ çiklängän kileş” kire ğamälgä kerteläçäge turında äytte” isemle xäbärendä Premyer-ministr Binali Yıldırımnıñ oppoziśiya belän kileşügä reşelgän oçraqta Törkiyä xökümäteneñ ülem cäzasın “çiklängän” räweştä qabat ğamälgä kertelüen täqdim itä alaçağın äytüen belderä häm “Xalıqnıñ taläben iğtibarsız qaldıra almıybız”, - digän süzlären citkerä.

Yazmada 15nçe iyül’däge uñışsız tüntäreleştän soñ tüntäreleşçelär öçen kön tärtibenä alınğan ülem cäzasınıñ qabat ğamälgä kertelüen teläwçe xalıqqa cawap birüçe İlbaşı Räcäp Tayyip Ärdoğannıñ şimbä könne: “Yaqında inşallah,” – dip açıqlaw yasawı xäterlätelä.

Amerika Quşma Ştatlarındağı “Turkishny” internet basması “Törkiyä bik zur terror qurqınıçı aldında tora” dip atalğan yazmasında Premyer-ministr urınbasarı Mäxmät Şimşäkneñ, “ Bloomberg HT” televizion kanalında könüzäk sorawlarğa cawap birgän çaqta xäzerge waqıtta Törkiyäneñ bik zur terror yanawı aldında toruına basım yasawı äytelä häm Şimşäkneñ: "Bezneñ urtaqlarıbıznıñ da monı bik yaxşı añlawı kiräk”, - dip äytüe assızıqlana:

Yazmada belderüençä, "15nçe iyül’ tüntäreleş kereşüeneñ artında kemneñ buluı häm monıñ belän bäyle bularaq närsäneñ başqarıluı mäs’äläsendä Amerikada äle haman başlarnıñ butaluın kürdegezme?” – digän soraw unayınnan Şimşäk: "Nigezdä Törkiyädä xoquq däwläten, Törkiyä demokratiyäsen yuqqa çığaruğa qarağan yasala alınaçaq iñ zur terror ğamäle. Monı kürergä kiräk. Şuşı tüntäreleş kereşüeneñ artında bu yuldan yazğan dini xäräkätneñ buluına qağılışlı zihenebezdä hiç şöbxä, soraw işaräte yuq. Amerikalılarnıñ bu mäs’äläne yaxşılap añlağan çaqta köçle räweştä Törkiyäneñ yanında toraçaqlarına ışanam”, - dip äytte.”

Rusiyäneñ "TASS” agentlığı “Däwlät Duması Törkiyä parlamentı belän “Duslıq törkeme”n qoraçaq” isemle yazmasında Komitet başlığı Leonid Slutskiyneñ sişämbe könne agentlıqqa yasağan belderüendä Dumanıñ Törkiyä belän parlamentlarara xezmättäşlekne üsterü häm Törkiyä Cömhüriyäte parlamentı belän xalıq ışanıçlıları êlemtä törkemen oyıştıru niyätendä buluın belderüen xäbär itä.

Agentlıq Slutskiyneñ: “Törkiyä parlamentı belän ber rättän duslıq törkemnäre noyabr’ ayın uzdırmıyça tözeläçäk”, - dip äytüen citkerä.