Dönya matbuğatına küzätü 24.08.2016

İspaniyanıñ “Euro Press” basması Törkiyä ğäskäre häm Amerika Quşma Ştatlarınıñ äydäp baruçanlığındağı xalıqara koaliśiyanıñ “DEAŞ” terror oyışmasın Süriyäneñ Cärablus qalasınnan çığaru maqsatınnan çığıp çärşämbe irtäsendä operaśiya başlatuın xäbär itä häm “Anadolu” agentlığınıñ xärbi çığanaqlarğa tayandırğan xäbärendä bu operaśiya maqsatınıñ “çik buyın terrorçı törkemnärdän çistartu, iminlekne yaxşırtu häm Süriyäneñ bötenlegen yaqlaw” buluın citkerä.

Rusiyäneñ “Sputniknews” basması da “Cärablus operaśiyası başladı: Törek qorallı köçläre häm koaliśiya oçqıçları “DEAŞ”nı bombalıy” dip atalğan yazmasında xärbi xäräkät turında mäğlümat birep uza häm “Tınıç oppoziśiyanı yaqlıybız”, - dip äytüçe Törkiyä Êçke êşlär ministrı Äfkan Alanıñ: “Törkiyä terror belän suğış xälendä diyärlek. Bu töbäktä Törkiyägä anıq räweştä yanaw turında süz bara. Törkiyä bolarğa tamaşaçı bulıp qala almıy. Çik buyındağı terror yanawı beterelgänçegä çaqlı xäräkät däwam itäçäk. Watandaşlarıbıznıñ iminlege öçen kiräkle çaralar kürelde. 6 awıl buşaltıldı. Bezneñ waz kiçelmäs nigezebez – Süriyäneñ cir bötenlegeneñ täêmin itelüe”, - dip äytkän süzlären urnaştırğan.

Germaniyanıñ “Deutsche Welle” (DW) teleradiokompaniyäseneñ xäbär säxifäsendä dä Törkiyäneñ Cärablus operaśiyası yaqtırtıla häm “DEAŞ”qa qarşı köräşne arttıru maqsatın quyğan Törkiyäneñ Amerika Quşma Ştatlarınıñ äydäp baruçanlığındağı xalıqara koaliśiyağa yärdäm itüne maqsat itüenä basım yasala.

Qatarnıñ “Äl Jazeree” mediasınıñ törek xäbär säxifäse “Cärablusqa “Fırat qalqanı” xäräkäte” isemle yazmasında Törek qorallı köçläreneñ Süriyäneñ Cärablus töbägeneñ “DEAŞ”tan çistartıluı öçen xärbi xäräkät başlatuın xäbär itep, xäräkätneñ “Fırat qalqanı” dip ataluın häm xärbi çığanaqlarnıñ "Süriyäneñ tönyağındağı xäräkät qısalarında kiçü urının açu êşçänlegeneñ däwam itüen” belderüen citkerä.