Samandağ borıçı
Bolarnı beläsezme? 68/2023
Bolarnı beläsezme? 68/2023
Törkiyäneñ iñ açı borıçınıñ Hatayda üsüen belä idegezme?
Açı borıç organizmnı xastalıqtan saqlap, baş miyendä bäxet gormonı bülep çığarırğa öleş kertä.
Borıç citeşterüdä dön’yada möhim urınğa iyä bulğan Törkiyäneñ iñ açı borıçı Hataynıñ Samandağ rayonında üsä. Skovilla açılıq ülçäw däräcäse 50 meñ bulğan Samandağ borıçı tufraq häm hawa şartları arqasında barı tik bu töbäktä citeşä. Skovilla däräcäse borıçtağı kapsaiśin isemle matdäneñ awız quışlığın ni qadär yandıruın ülçi.
Törkiyädä genä tügel, bar dön’yada da saylanuçı borıç bulğan Samandağ borıçı - qalın qabıqlı, susıl häm bik açı borıç törennän. Yaznıñ azaqlarında citeşüçe bu borıç sälamätlek öçen bik faydalı. Aşqaynatu sistemasına bulışuçı, may azaytuçı täêsire belän yabığırğa teläwçelär öçen kiñäş itelä. Cepsel yağınnan bay bulğan borıç êç kibüne dä beterä. Şulay uq köçle antioksidant bulğan Samandağ borıçınıñ yöräk xastalıqlarınnan da yärdäm itüe äytelä. Yuğarı miqdarda C vitaminı urın alğanı öçen immunitetnı nığıta. Tire sälamätlegenä faydalı bulğan borıç xolesterin däräcäsen töşerä. Barlıq bu faydalarğa qaramastan Samandağ borıçın aşqazanı häm êçäklek awıruları bulğannar iğtibarlı qullanırğa tiyeş. Açı borıç awırlı xatın-qızlar häm qan basımı yuğarı bulğannarğa da kiñäş itelmi.
