Aтaтөрeкнeң тугaн көнe / Atatörekneñ tuğan köne

Atatörekneñ 1919nçı yılda Anadoludağı milli köräşne başlatu öçen Samsunğa ayak basqan kön bulğan 19nçı mayğa “tuğan könem” dip äytkänen belä idegezme?

Törek milli bäysezlek suğışı başlanğan kön bularaq qabul itelgän 1919nçı yılnıñ 19nçı may köne Törkiyä Cömhüriyätenä baruçı yulnıñ berençe adımı da. Watanın häm milläten bik yaratqan Mostafa Kemal Atatörek milläteneñ yañadan tuuın simvolawçı şuşı möhim datanı üze öçen dä tuğan kön bularaq saylıy.

1936nçı yılda Angliya patşasınıñ teläge belän ingliz ilçese räsmi ber yazu belän İlbaşı Atatörekneñ tuğan köneneñ belderelüen sorıy. Fäqät Atatörek tuğan çaqta tuu datası yazılmıy. Şuña kürä Atatörek törek milläteneñ yañadan tuuı bularaq kürgän 19nçı maynı “tuğan köne” itep saylıy. Şuşı uq yılnı Angliya patşası da 19nçı mayda Atatörekkä “tuğan köne” mönäsäbäte belän qotlaw telegrammasın cibärä.

1928nçe yılda berençe tapqır İstanbulda oyıştırılğan “Gimnastika cıyınnarı” 1936nçı yılda 19nçı mayğa turı kiterelä häm “yäş’lär bäyräme” sıyfatın ala.1938nçe yılda milli bäyräm bularaq iğ’lan itelgän häm här yıl qotlana başlanğan 19nçı may 1981nçe yıldan birle “Atatörekne iskä alu, Yäş’lär häm sport bäyräme” isemen yörtä başlıy.