Xärbi xezmätkä baru

Törek mädäniyatında tormışnıñ bilgele ber çorında ütkärelä torğan qotlaw çaraları buluın, bolardan berseneñ  xärbi xezmätkä baru belän bäyle tantanalar buluın belä idegezme?

Törek camğiyätendä tradiśion häm ütkäne şaqtıy tirängä barıp totaşuçı xärbi xezmätkä baru izge wazıyfa bulıp sanala.Ğaskäri bulu xörmätkä layıq keşe häm ir-yeget bulıp citeşü belän tiñläşterelä. Ayıruça awıl cirlärendä xärbi xezmätkä barmağan keşelärgä bik uñay qaramıylar ,süzlärenä dä iğ’tibar itmilär.

Cämğiyät’tä zur ähämiyät birelgän bu wazıyfağa kereşkändä häm ul tögällängändä ozatu häm qarşı alu kiçäläre ütkärelä. Bu kiçälär ilneñ törle yaqlarında törleçä uza.

Törkiyäneñ här cirendä diyärlek kiñ taralğan çara – xärbi xezmätkä çaqıru käğaze kilgän yäş’lärne tuğannarı häm duşlarınıñ çirat buyınça aşarğa çaqıruı. Monda barı tik armiyägä baruçını ğına da ,şulay uq ğailäse belän dä çaqıralar.  Aşaw-êçüdän soñ küñel açu da ğadätkä kergän.