Atatörekneñ Cömhüriyät fikere qayçan tuğan?

Mostafa Kämal Atatörekneñ Cömhüriyät fikeren Cömhüriyät iğ’lan itelgän 1923 nçe yılnıñ 29 nçı oktyabrennän şaqtıy êlek üz itüen ,yaqlawın belä idegezme?

Ärzurum kongressınnan 3 kön êlek 1919 nçı yılnıñ 20 nçe iyülendä yanındağı dustı Mazhar Müfit bäy Atatörekkä “Milli köräş uñışqa ireşkän oçraqta xökümät şäkele ,räweşe nindi bulaçaq dip uylıysız?”digän soraw birä. Mostafa Kämal bu sorawğa “Waqıtı citkäç idarä räweşe Cömhüriyät bulaçaq”dip cawap qaytara häm bu  söyläşü xaqında beräwgä dä äytmäskä quşa. Mazhar Müfit bäy älege söyläşü turında  “Ärzurumnan ülemenä qadär Atatörek belän bergä “isemle kitabında añlata.

1923 nçe yılnıñ 29 nçı oktyabrendä parlamentta Töp Qanunnıñ berençe maddäse “Xakimiyät bernindi şartsız millätneke. İdarä räweşe xalıqnıñ üz yazmışın üze bilgeläw prinśibına nigezlänä. Törkiyä däwläteneñ idarä räweşe Cömhüriyät”dip üzgärtelgäç Atatörekneñ 4 yıl êlekke maqsatı tormışqa aşa.