Lukum

Törek lukumınıñ dön’yada tanıluın, Napoleon, Uinston Çerçill’ häm Pikassonıñ bu törek täm-tomın bik yaratqan şäxeslär arasında buluın belä idegezme?

Lukum - su, şikär, kraxmal qullanıp yasaluçı tradiśion törek desertı. Ğosmanlı telendä älege süzneñ “tamaq räxätlätterüçe” mäğ’näsen yörtüen äytälär. Anadolu cirlärendä lukumnı 15nçe ğasırdan birle belälär. Ul Ğosmanlı patşalığı çikläre êçendä, bigräk tä, 17nçe ğasırda kiñ cäyelgän. Lukum ber ingliz säyäxätçeneñ ciñel qulınnan “törek desertı” iseme belän 18nçe ğasırda Awrupada tanıla başlıy. Êlegräk anı bal yäisä päkmäzne on belän quşıp yasağannar. 17nçe ğasırda rafinadlanğan şikär häm kraxmal uylap çığarılıp ilgä kiterelgännän soñ lukumnıñ xäzerlänüe häm täme dä üzgärä. 

Lukumnı Uinston Çerçill’ häm Napoleon şikelle bik küp dön’ya liderları yaratqan. Rässam Pikasso anı konśentraśiyä arttıruçı bularaq östen kürä.

Bügen lukumnıñ gadi, urman çikläwekle, pestäle, Ästerxan çikläwekle, badämle, kokoslı, äflisunlı, roza çäçäkle, ciläkle, limonlı, vanil’le, imbirle häm tağın bik küp töre bar.