Azärbaycan ülgän ärmän ğaskäriläreneñ mäyıtlären tapşıra

Azärbaycan äsir, xäbärsez yuğalğan häm totıq watandaşlar däwlät komissiyasınnan yasalğan belderüdä 12nçe-14nçe sentyabr’däge bäreleşlär yäşängän töbäktä häläq bulıp cir mäydanında qalğan ärmän ğaskäriläreneñ mäyıtläreneñ êzlänüe äytelde.

Belderüdä 95 ärmän ğaskäriyı mäyıtläreneñ Azärbaycan xärbi prokuraturası xezmätkärläre tarafınnan tikşerelüe häm mäyıtlärdä nindi dä bulsa köç qullanu bilgeläreneñ tabılmawı bilgelängännän soñ Xalıqara Qızıl Xaç oyışması aradaşçılığı belän Ärmänstanğa tapşırıluı citkerelde.

Ärmän xärbiläreneñ mäyıtlären tapşıruğa qağılışlı barışnıñ däwam iteläçäge iskärtelep uzıldı.

Azärbaycan 17nçe sentyabr’dä dä 32 mäyıtne Ärmänstanğa tapşırğan ide.

Azärbaycan saqlanu ministrlığı Ärmänstan köçläreneñ 12nçe sentyabr’ tönendä Azärbaycannıñ Daşkäsän, Kälbäcär, Laçın häm Zängilan yünäleşlärendäge kiñ qırlı provokaśiyası näticäsendä bäreleşlärneñ başlawın beldergän ide.

Diplomatik êlemtälär näticäsendä 2nçe Qarabax suğışınnan (2020) soñğı iñ zur bäreleşlärdä Azärbaycan belän Ärmänstannıñ utnı tuqtatu öçen kileşüe citkerelde.

Azärbaycan 80 ğaskärineñ şähit buluın açıqladı. Ärmänstan isä ülgän ärmän xärbiläreneñ sanın 207 bularaq belderde.