Azärbaycanda ğaskärilär şähit bulğan
Azärbaycan saqlanu ministrlığı Ärmänstannıñ çik buyındağı provokaśiyäläre näticäsendä 50 ğaskärineñ şähit buluın belderde
Saqlanu ministrlığınnan yasalğan belderüdä 12nçe sentyabr tönendä häm 13nçe sentyabr’ irtäsendä Ärmänstan ğaskäreneñ Azärbaycan belän çik buyınıñ Daşkäsän, Kälbäcär, Laçın häm Zängilan yünäleşlärendä kiñ qolaçlı provokaśiya yasawı äytelde.
Belderüdä Azärbaycan armiyasınnan 42, Däwlät çik buyı xezmätläre xärbi personalınnan isä 8 buluı belän bergä 50 ğaskärineñ şähit buluı citkerelde.
Azärbaycan İlbaşı İlham Äliyıv ta “Twitter” akkauntınnan Azärbaycan xalqınıñ, şähitlärneñ ğailäläre häm tuğannarınıñ qayğısın urtaqlaştı.
Azärbaycan saqlanu ministrlığınnan yasalğan belderüdä 12nçe sentyabr’ tönendä häm 13nçe sentyabr’ irtäsendä Ärmänstan ğaskäreneñ Azärbaycan belän çik buyınıñ Daşkäsän, Kälbäcär, Laçın häm Zängilan yünäleşlärendä kiñ qırlı provokaśiya yasawına iğ’tibar yünältelde.
Şul uq waqıtta ministrlıqtan monnan alda yasalğan belderüdä:
"(Kiçä cirle waqıt belän) 09.00dañ soñ utnı tuqtatunıñ iğ’lan itelüenä qaramastan Ärmänstan çik buyında tup häm başqa awır qorallarnı qullanıp utnı tuqtatunı qatı boza”, - dip äytelde.
Belderüdä Azärbaycan poziśiyälärenä ut açıluı, Azärbaycan xärbi berlekläreneñ dä kiräkle cawapnı qaytaruı iskärtelep uzıldı.
Bäyläneşle xäbärlär
4 awıl Azärbaycanğa tapşırıldı
Ärmänstannıñ Gazah şähärendä yaw astındağı 4 awıl Azärbaycanğa tapşırıldı