Azärbaycan 10nçı noyabr'ne Ciñü köne dip iğ'lan itte
Bu könne Ärmänstan üzeneñ ciñelüen qabul itkän ide
Azärbaycan ilbaşı İlham Aliyev Ärmänstannıñ ciñelüen qabul itüçe deklaraśiyägä qul quyğan kön – 10nçı noyabr’ne “Ciñü köne” dip iğ’lan itte. Älege data här yıl bilgeläp üteläçäk.
Aliyev, monnan tış, Azärbaycan armiyäseneñ üz cirlären kire qaytaru öçen operaśiyä başlağan kön – 27nçe sentyabr’ne şähitlärne iskä alu köne bularaq belderde. 44 kön däwam itkän operaśiyädä 5 şähär, 4 kasaba häm 286 awıl qotqarıldı. Ärmänstan, şunnan soñ, üzeneñ ciñelüen qabul itte. 10nçı noyabr’dä imzalanğan solıx kileşüe nigezendä ärmän köçläre Ağdam, Laçın häm Kälbäcär töbäklären buşatırğa tiyeş buldı.
Başqala Baqıda Azärbaycan armiyäseneñ ciñüe uñayınnan xärbi parad oyıştırılaçaq. Anda Ärmänstan armiyäsennän qulğa töşerelgän bronetexnika häm başqa qorallar da kürsäteläçäk. Tantananıñ köne älegä belderelmäde.
Bäyläneşle xäbärlär
Azärbaycan-Ärmänstan tınıçlıq söyläşüläre
Azärbaycan belän Ärmänstan arasındağı tınıçlıq söyläşüläre Qazaqstannıñ Almatı şähärendä başlandı
Ärsin Tatar: "Totışıbızda üzgäreş bulmawın Berläşkän Millätlär Oyışmasına citkerdek”
Tön’yaq Kipr Törek Cömhüriyäte İlbaşı Ärsin Tatar BMO wäkile belän küreşte
