Törkiyä häm Rusiyä Qarabaxta utnı tuqtatunı küzätäçäk

Törkiyä ilbaşı Räcäp Tayyip Ärdoğan Rusiyä däwlät başlığı Vladimir Putin belän telefon aşa söyläşte.

Räsmi çığanaqlardan yasalğan belderügä qarağanda, anda ike il arasındağı mönäsäbätlär, Tawlı Qarabax häm Süriyäne dä kertep regional’ wäzğıyät’ xaqında fiker alışalar.

Ärdoğan söyläşüdä Tawlı Qarabax mäs’äläsendä aldağı kiç däwamlı çişeleş yulında ähämiyätle adım yasaluın assızıqladı. Ul bu noqtada xäzer iñ möhime – Ärmänstannıñ utnı tuqtatu häm urtaq belderüdä terkälgän başlanğıçlarnı bozmawı buluın da äytte.

İlbaşı Ärdoğan Törkiyäneñ Ärmänstan yawlawınnan qotqarılğan cirlärdä Rusiyä belän bergä küzätüçe bulaçağın da citkerde. Monıñ öçen Azärbaycan tarafınnan bilgelängän urında Urtaq märkäz tözeläçäk.

Ärdoğan Ärmänstannıñ basıp aluı arqasında Qarabaxtan kitärgä mäcbür bulğan azärbaycanlılarnıñ öylärenä qaytuı häm Azärbaycan-Naxçivan arasında koridor açıluınıñ ähämiyätenä basım yasadı.

Anıñ äytüençä, Tawlı Qarabax - regional’ bäreleş häm krizislarnı çişüdä Törkiyä-Rusiya xezmättäşlegeneñ ähämiyäten kürsätte. Ärdoğan şundıy uq êşçänlekne Süriyä krizisı öçen dä alıp barırğa kiräklegen häm anda oxşaş mexanizm tözi aluların belderde.