Atışu töne buyı däwam itte

Azärbaycan Bärdädä Ärmänstannıñ tınıç xalıqqa atuçı Smerç’ raketa sistemasın yuqqa çığardı.Azärbaycan saqlanu ministrlığı monıñ videosı belän dä urtaqlaştı. Anda Smerç’ raketa sistemasınıñ töz atu belän yuqqa çığarıluı kürenä.Ministrlıq monıñ kiçä cirle waqıt belän 15 säğat’ 18 minutta buluı turında mäğ’lümat birde.

Ärmänstan armiyäse 27nçe-28nçe oktyabr’dä fronttan 60 çaqrım yıraqlıqtağı Bärdä şähärenä kassetalı bombalı Smerç’ raketası belän höcüm itte. Anda tınıç xalıqtan 25 keşeneñ ğomere özelde, 70tän artığı yaralandı.

Şul uq waqıtta, Ärmänstan köçläre, utnı tuqtatu kileşüenä qaramastan, frontnıñ törle yünäleşlärendä töne buyı Azärbaycan xärbiläre häm toraq punktlarğa attı.

Azärbaycan moña cawapsız qalmadı. Ärmänstan armiyäseneñ törle adımnarına çik quyıldı. Şulay uq, alarnıñ bik küp qoralları häm xärbi texnikası yuq itelde. Aralarında 2 danä Su-25 oçqıçı, 3 danä T-72 tankı, raketa sistemaları, minomyetlar, bronetexnika häm başqalar bar. Bik küp ärmän xärbiläreneñ dä täêsirsez xälgä kiterelüe äytelä.

Azärbaycan saqlanu ministrlığı frontta kontrol’neñ üz qullarında buluın assızıqlıy.