د اوکراین ولسمشر ولادیمیر زیلینسکي رسمي سفر په ترڅ کې نن تورکیې ته راځي.

د اوکراین ولسمشر ولادیمیر زیلینسکي رسمي سفر په ترڅ کې نن تورکیې ته راځي.

د تورکیې د ولسمشرۍ ماڼۍ د عامه اړیکو ریاست ویلي دي چې د اوکراین ولسمشر  ښاغلی ولادیمیر  زیلینسکي به  د رسمي سفر په ترڅ کې نن تورکیې ته راشي.

تورکیې ته د زیلینسکي د سفر په جریان کې، تمه کیږي چې د اوکراین او روسیې جګړه چې خپل دویم کال یې بشپړ شوی، د غلو دهلیز تړون (د اوکراین له بندرونو څخه د غلو او خوراکي توکو د خوندي لیږد لپاره نوښت) او په سیمه کې د دایمي سولې لټون  په اړه تفصیل سره به خبرې وشي.

ویل شوي چې د تورکیې او اوکراین د اړیکو په اړه به د ولسمشر رجب طیب اردوغان او د هغه د مېلمه ولسمشر زیلینسکي ترمنځ  به په هر اړخیزه  خبرې وشي.