ولسمشر اردوغان : تورکیه د اوکراین او روسیې ترمنځه د سولې مذاکراتو ته کوربه توب ته چمتو ده

د تورکیې ولسمشر رجب طیب اردوغان وویل چې تورکیه د روسیې او اوکراین ترمنځه د سولې مذاکراتو کوربه توب ته چمتو دی.

د تورکیې ولسمشر رجب طیب اردوغان د روسیې او اوکراین جګړې ته په اشارې سره د تیرو دوو کلونو راهیسې دوام لري وویل: "موږ چمتو یو چې د اوکراین او روسیې ترمنځه د سولې د ټینګښت په موخه  مخکې په استانبول کې  جوړ شوی  د سولې میز له سره جوړ کړو."

ولسمشر اردوغان د اوکراین – سویل ختیځې اروپا سرمشریزې ته په خپل ویډیویي پیغام کې د اوکراین د خپلواکۍ، ملي حاکمیت، امنیت او ځمکنۍ بشپړتیا څخه د تورکیې د ملاتړ یادونه وکړه او ټینګار یې وکړ چې د کریمیا د تاتارانو د حقونو او ګټو د ساتنې لپاره هر ډول هڅې کوي. اردوغان یادونه وکړه چې هغه په ​​دې نظر دی چې دیپلوماسۍ او خبرو اترو ته باید فرصت ورکړل شي چې جګړه په عادلانه او تلپاتې سولې پای ته ورسوي.

"موږ د خبرو اترو هغه میز چې  مخکې مونږ په استانبول کې د سولې د ټینګښت لپاره جوړ کړی و یو ځل بیا جوړ کړو. تورکیه د اوکراین او روسیې ترمنځه د سولې مذاکراتو کوربه توب ته چمتو دی. "په دې موقع کې  زه هیله لرم چې د پیوستون روحیه چې زموږ په ګډه جغرافیه  بالکان، د سویل ختیځ اروپا هیوادونو کې ځانګړی رول لري نږدې جغرافیه ته هم خپره شي."

اردوغان د سرمشریزې په تنظیم کې ونډه اخیستونکو ته د زړه له کومې مبارکي وویله، په ځانګړې توګه د البانیا لومړي وزیر ایدي راما چې د غونډې کوربه و.