د تورکیې د بهرنیو چارو وزیر په انقره کې د سوریې د رژیم د مخالفینو سره لیدنه وکړه

د تورکیې د  بهرنیو چارو وزیر مولود چاووش اوغلو په پلازمینه انقره کې د سوریې د اپوزیسیون او انقلابي ځواکونو ملي ایتلاف  مشر سلیم المصلت، د سوریې د خبرو اترو کمیسیون رئیس بیدیر کاموس او د سوریې د موقت حکومت مشر عبدالرحمان مصطفی سره وکتل.

چاوش اوغلو د خپل ټوېټر پاڼې له لارې  په خپور کړي بیان کې ویلي دي چې  د بهرنیو چارو په وزارت کې د سوریې د اپوزیسیون له مشرانو سره د لیدنې په اړه د سوریې په وضعیت او  وروستیو پرمختګونو په اړه خبرې وکړې. مونږ د ملګرو ملتونو د امنیت شورا د ۲۲۵۴ پریکړه لیک له مخې د سوریې له مخالفینو او خلکو نه خپل ملاتړ یو ځل بیا تکرار کړ.

۲۲۵۴ شمیره  پریکړه لیک، چې د ۲۰۱۵ کال  په ډسمبر په میاشت کې د ملګرو ملتونو د امنیت شورا لخوا په د رایو په اکثریت سره تصویب شو، په سوریه کې د بیړني اوربند او په موازي توګه، د سیاسي خبرو اترو پیل کولو لپاره د دوو کلونو په اوږدو کې د "یووالي حکومت" د جوړولو غوښتنه کوي، چې وروسته ټاکنې ترسره کیږي.