د تورکیې لخوا د ګازو د نوو زیرمو موندولو خبر په نړۍوالو رسنیو کې د پام وړ انعکاس کړی
د تورکیې لخوا په تور سمندرګي کې د طبیعي ګازو نوو زیرمو موندولو په بهرنیو رسنیو کې د پام وړ انعکاس موندلی دی.
د تورکیې لخوا په تور سمندرګي کې د طبیعي ګازو نوو زیرمو موندولو په بهرنیو رسنیو کې د پام وړ انعکاس موندلی دی.
د امریکا د بلومبرګ خبري آژانس د «تورکیې د تورې بحیرې د طبیعي ګازو په زیرمو کې زیاتوالي اعلان کړ» سرلیک سره خبر خپور کړی دی .
بلومبرګ لیکلي چې تورکیې په تور سمندرګي کې د طبیعي ګازو د زیرمو اندازې یو پر دریمه برخه زیاتې کړې دي، چې دا دواړه د موجود کشف او جلا کشف له امله ترلاسه شوي دي.
برتانوي خبري اژانس رویټرز د طبیعي ګاز کشف شوي مقدار ته پام اړولی. په خبر کې ویل شوي، چې تورکیې د ساکریا د ګازو د پلټون په ساحه کې ۱۳ څاګانې کیندلې او دا ساحه به په ۲۰۲۳ کال کې ګټې اخیستنې ته وسپارل شي او له ملي شبکې سره وصل شي.
د چین دولتي خبري اژانس شینهوا ( په تورکیه کې د طبیعي ګازو نوې زیرمې ) د سرلیک سره خبر خپور کړی دی.
شینهوا د اردوغان له قوله لیکلي دي چې "مونږ هوډ لرو چې تورکیه د کسپین، مدیترانې او منځني ختیځ د انرژۍ مرکز وګرځوو".
د طبیعي ګاز ښه خبر په یوناني رسنیو کې هم پراخه پوښښ موندلی دی.
د کاتیمیرینی ورځپاڼی د ولسمشر اردوغان د وینا سرلیک ورکړی چې «مونږ د ۵۸ میلیارد متر مکعب طبیعی ګاز نوې زیرمه موندلې ده».
راپورنه وايي، د تورکیې ولسمشر په تور سمندرګي کې د طبیعي ګازو د پام وړ زېرمې د کشف په اړه خبرې وکړې.
"ولسمشر اردوغان وویل چې د تورکیې موخه دا ده چې د خپلو ګازو اړتیاوې پخپله پوره کړي".
یوناني ورځپاڼې همداراز ټینګار کړی چې په تور سمندرګي کې د ټولې زیرمې (۷۱۰ میلیارد متر مکعب) ارزښت ۱ تریلیون ډالره دی.
اړوند خبرونه
ولسمشر اردوغان : د تورکیې لپاره نوی اساسي قانون یوه جدي اړتیا ده
د تورکیې ولسمشر رجب طیب اردوغان وویل چې نوی اساسي قانون به د هیواد د ستونزو د حل لاره لا ګړندۍ کړي.
د تورکیې ملي شورا د تورکیې او فلسطین ترمنځ لاسلیک شوي تړونونه تصویب کړل.
د تورکیې ملي شورا د تورکیې او فلسطین ترمنځه لاسلیک شوي دوه تړونونه تصویب کړل