تورکیې په امریکا کې د ۴ تنو مسلمانانو د مشکوکو وژنو په اړه ژوره اندیښنه وښودله

تورکیې د امریکا په البوکرکي ښار کې د ۴ مسلمانانو د مشکوکې وژنې په اړه اندېښنه ​​ښودلې او ویلي یې دي چې له امریکايي چارواکو هیله لري چې ژر تر ژره دغه پېښه روښانه کړي.

د بهرنیو چارو وزارت په یوه لیکلي بیان کې راغلي دي،

"موږ د امریکا په البوکرکي ښار کې د نوامبر له میاشتې راهیسې د څلورو مسلمانو مشکوکو وژنو په اړه ژوره اندیښمن یو، چې درې یې په تیره یوه اونۍ کې وژل شوي دي. موږ غواړو چې ددې وژنوعاملین ژر تر ژره وموندل شي او د عدالت منګولو ته وسپارل شي. د امریکا متحده ایالتونو اړوند چارواکي باید  ددې پیښې اړوند هر ډول تحقیقات په دقت سره ترسره کړي ترڅو د پیښې ټول اړخونه ژر تر ژره روښانه شي."

په خبرپاڼه کې د وژل شویو کسانو ته د خدای تعالی له درباره د فردوس جنت او د هغوی کورنیو او خپلوانو ته د تسلیت مراتب وړاندې شوي دي.