د ناټو ، تورکیې ، سویډن او فنلنډ په ګډون څلور اړخیزه سرمشریزه جوړیږي

د د تورکیې د ولسمشرۍ ماڼۍ ویاند ابراهیم قالن وویل چې سبا به د هسپانیا په پلازمینه مادرید کې د تورکیې، ناټو، سویډن او فنلنډ په ګډون څلوراړخیزه غونډه جوړه شي.

د تورکیې د ولسمشرۍ ماڼۍ ویاند  ابراهیم قالن  د یو خصوصي تلویزیوني چینل  سره په مرکه کې د  اجنډا په اړه  مهمې ارزونې وکړې.

"د ناټو د عمومي منشي ینس سټولټنبرګ په غوښتنه به د سه شنبې په ورځ  د تورکیې، ناټو، سویډن او فنلنډ  په ګډون  یوه سرمشریزه جوړه شي. دا سرمشریزه  د ناټو تر سرمشریزې  نه مخکې د سه شنبې په ورځ جوړه شي. پدې څلوراړخیزه مشریزه کې به ولسمشر اردوغان ګډون وکړي.

قالن زیاته کړه چې پدې سرمشریزه کې ګډون  ددې په  مانا نه ده چې موږ به له خپل دریځ څخه شاته شو، خبرې اترې کوو خو  ډېر پړاوونه  به ولري.

هغه زیاته کړه چې  ما هلته خپلو فنلنډي او سویډني همکارانو ته هم  وویل، تاسو د ۲۰۰ کلنه  بې طرفۍ پالیسي پرېږدئ او د چې له پوځي اتحاد سره یوځای کیږۍ. د دې هماهنګۍ د ترلاسه کولو لپاره، تاسو اړتیا لرئ چې په سویډن او فنلینډ دواړو کې خورا جدي بدلونونه راولۍ. په  قانون، اساسي قانون کې بدلون ته اړتیا لرۍ. ددې بدلونونو په چوکاټ کې  تاسو  باید د PKK او د هغې سره اړوندو ټولو ساختارونو  په وړاندې ورته بدلون ته اړتیا لرۍ لکه  د  PYG، PYD او ورته جوړښتونه.

 دا بدلونونه  ډیر ستونزمن او ناممکن ندي. دوی وايي چې دوی به ځینې ګامونه پورته کړي. موږ د دوی ژمنې یادونه وکړه. د ژمنې کولو او  د کوټلي ګامونو اوچتولو ترمنځه جدي توپیر لري.

 موږ غواړو دا ټول ثبت کړو. موږ یوې لویې هوکړې ته رسېدلي یو، یو څو مسایل شته چې موږ پرې موافقه پرې نده شوې. که چیرې  سبا ورسره په موافقې ورسیږو، نو  مادرید ته  به لا په ښه توګه سفر وکړو . موږ له سویډن او فنلینډ څخه غواړو چې د جوړښتونو لکه PKK، PYD او YPG په وړاندې روښانه دریځ غوره کړي. پدې کې په سوریه کې د PYD او YPG سره اړیکې شاملې دي، "

سبا او چهارشنبه به په مادرید کې د ناټو د مشرانو غونډه هم جوړه شي.