ترکیې د امریکا پر خلاف سخت غبرګون وښود

ترکیې  امریکا ته د خپلې دې خطا نه د راګرځیدو بلنه ورکړه.

د ترکيې د بهرنیو چارو وزارت د امریکا لخوا د اف ۳۵ ډوله جنګي الوتکو د پروګرام اړوند   د وروستیو څرګندونو په اړه بیان خپور کړ. په بیان کې راغلي دي چې ترکیه د اف ۳۵ ډوله الوتکو د پروګرام نه  ویستل  په هیڅډول مشروعیت نلري. امریکا ددې پریکړې سره  د دوه اړخیزو اړیکو ته  جبران ناپذیره زیان  رسوي. امریکا ته ددې خطا نه هر څه ژر د ګرځیدو بلنه ورکوو.

دا یو پلوی  اقدام  دی. لکه څرنګه چې  دا اقدام  د متحدتوب  د اساساتو سره په ټکر  کې  دی  همداشان هیڅډول مشروعیت هم  نلري.

په بیان کې راغلي دي چې  د اف ۳۵ ډوله الوتکو د پروژې یو مهم  شریک  هیواد  ترکیه ددې پروژې او پروګرام نه ویستل یو غیرې عادلانه  اقدام  دی. همداشان  هغه ادعاوې چې  اس ۴۰۰ دفاعي توغندیو سیستم  اف ۳۵ ډوله الوتکې  د ضعف سره  مخامخوي  حقیقت  نلري.

پدې اړه د ناټو په ګډون  د یو کاري څیړنیزې ډلې د جوړولو په اړه  د ترکیې  غوښتنې ته ځواب نه ورکول او د امریکا  لخوا  د وخت نه وړاندې قضاوت کول  او مسئلې د حل په خاطر  هیڅډول  حرکت نه کول  ددې خبرې ژوندی  مثال  دی.

امریکا  د ترکیې سره  د دوستۍ اهمیت  یواځې په خبرو کې نه بلکې  په عمل کې هم  وښايي. امریکا  په ځانګړې توګه  د ترهګرو سازمانونو لکه داعش، پ ک ک ، پ وای ډي، وای پ جي  او ګولن  په خلاف  د مبارزې په برخه کې باید لازم  اقدامات  وکړي.

په بیان کې راغلي دي چې د ترکیه د امریکا نه  تیره د جاپان د اوساکا په ښار کې د جي شل سرمشریزې په چوکاټ د ترکیې د ولسمشر ښاغلي رجب طیب اردوغان او امریکا د ولسمشر دونالد ټرمپ ترمنځه په ترسره شوې لیدنه کې  رامنځته شوي تفاهم  ته د ژمن پاتې کیدو هیله کوي. امریکا باید ددې خطا نه چې  دوه اړخیزو اړیکو ته  جبران ناپذیره  زیان  رسوي  هر څه ژر راوګرځي.

د ویلو ده چې  امریکا  د دفاع د وزارت  مرستیال  ویلي دي « دا چې ترکیې د روسیې نه اس ۴۰۰ دفاعي توغندي  واخیستل  نشي کولای چې  اف ۳۵ ډوله الوتکې  واخلي. د همدې امله  پریکړه وشوه چې ترکیه  د اف ۳۵ ډوله الوتکو د پروژې نه وویستل شي.

هغه ویلي وو چې امریکا  د ترکیې سره  ستراتیژیکو اړیکو ته  ډیر زیات اهمیت  او قیمت  ورکوي. د ناټو د متحدینو په توګه  زمونږ اړیکې  هر اړخیزې دي او یواځې د اف ۳۵ پورې تړلي ندي.