ترکیه  د کنز د فلمونو په فیستیوال کې  د ترکیې د ورځې تر نامه لاندې ځانګړې  میلمستیا جوړوي.

د ترکیې د کولتور او ګرځندوی وزیر محمد نوري ایرسوی په کوربه توب  په جوړیدونکي ځانګړې میلمستیا کې به د نړۍ د سینما مهمو فلم جوړونکو ته په ترکیه کې ددې سکتور د فرصتونو په اړه  معلومات  ورکړل شي.

د کولتور او ګرځندوی د وزارت د معلوماتو له مخې  د کنز د فلمونو په سږني فیستیوال کې به  د ترکیې د ورځې په نامه  ځانګړې میلمستیا  جوړه کړي.

دا میلمستیا به  سبا ماښام   د ماجیستیک بیچ په مشهور سیمه کې جوړه شي. په میلستیا کې د نړۍ د سینما، هنر، مود او فیشن ، ګرځندوی، رسنیو، سوداګرۍ نړۍ  او خوړو د سکتور  مشهورو څیرو ته  د ګډون  بلنه ورکړ شوې ده .

ویل کیږي  دا میلمستیا به د نړۍ  د سینما ، مود او فیشن او ګرځندوی سکتور ته  د ترکیې د جغرافیوي او اقیلیمي  ځانګړو  فرصتونه  او فلمونو د شوټنګ لپاره طبعي ښکلا  او تاریخي مکانونه  معرفي کړی شي.

ویل کیږي دا میلمستیا به نړۍ ته د ترکیې  د معرفي کولو په برخه کې هم  د پام وړ مرسته وکړي.

په میلمستیا کې به  په ترکیه کې د سینما د نوي قانون له مخې بهرنیو فلم جوړونکو ته  د تشویقونو ، فرصتونو او د هغوې  سره  د مرستو په اړه هم  کافي معلومات ورکړل شي.

تمه کیږي چې  ددې تشویقونو  او فرصتونو د معرفي سره  د نړۍ  یو زیات شمیر فلم  او ډرامو  جوړونکي  د نوو فلمونو او ډرامو د شوټنګ په خاطر  ترکیې ته ترجیح ورکړي.

سربیره پر دې به  کډوالو ته  په ترکیه کې د فلم او ډرامو د شوټنګ لپاره د موقعیتونو، طبعي ښکلاګانو، تخنیکي امکاناتو  او په ترکیه کې  د ډک شوو مشهورو بهرنیو فلمونو په اړه لنډ  فلم  نندارې ته وړاندې شي.

وروسته به د ترکیې د جامو نامتو ډیزاینرې  زینب کارتال  لخوا ډیزاین شوې جامې  نندارې ته وړاندې شي.

همداشان پدې میلمستیا کې به د ترکیې  مشهور خواړه  او شیریني باب  میلمنو ته  ورکړل شي.

میلمستیا به   د نړۍ په کچه مشهور  ترکي موسیقۍ استاد برهان اوچال په زړه پوري کنسرت سره پایته ورسیږي.