اردوغان : په تیرو ۱۷ کلونو کې مو ډیر ستر بریالیتوبونه ترلاسه کړي
اردوغان : په هیواد کې په تیرو ۱۷ کلونو کې د استقرار او اعتماد په فضا کې ډیر مهم بریالیتوبونه ترلاسه شوي دي چې په راتلوونکې دوره کې به لا زیات ستر بریالیتوبونه ترلاسه کړو.
د ترکیې ولسمشر رجب طیب اردوغان وویل چې په هیواد کې په تیرو ۱۷ کلونو کې د استقرار او اعتماد په فضا کې ډیر مهم بریالیتوبونه ترلاسه شوي دي چې په راتلوونکې دوره کې به لا زیات ستر بریالیتوبونه ترلاسه کړو.
ولسمشر اردوغان دا څرګندونې د ترکېې د سوداګریزو خونو او اسهامو د بازارونو د ټولنې په ۷۵ یمې عمومي غونډه کې وکړې.
ولسمشر اردوغان دلته په خپله وینا کې ددې خبرې په ټینګار وویل چې ترکیې دښمنان د بهرنیو اسعارو په واسطه غواړي چې د ترکیې پر اقتصاد فشارونه وارد کړي.
نوموړو پدې وروستیو کې په پرله پسې ډول زمونږ د هیواد او ملت په مقابل کې د دسیسو هڅه شوې، نوموړو غوښتل چې ترکیه هم د سیاسي او هم د اقتصادي پلوه په ګونډو کړي خو له نیکه مرغه چې خپلو دې شومو موخو ته نایل نه شول.
ولسمشر اردوغان وویل چې د دوه نیم میلیون تنو لپاره د استخدام د رامنځته کولو په خاطر مو ( دا ترکیه ده ، دلته کار شتون لري ) تر شعار لاندې یو ستر کمپاین پیل کړی دی. ددې کمپاین په پایله کې د ترلاسه شوو اقامو له مخې د روان کال د پيل راهیسې تر سلو زرو تنو ډیر کسان استخدام شوي دي. دا خبره ددې ښکارندويي کوي چې زمونږ اقتصاد او تولیدات مخ په وده دي.
ولسمشر اردوغان وویل چې د حکومت او سوداګرۍ نړۍ په توګه مو په تیرو ۱۷ کلونو کې ډیر بې شمیره بریالیتوبونه ترلاسه کړي دي او ددې دوام هم زمونږ په لاس کې دی. زمونږ د ټولو په لاس کې دی.
په هیواد کې ټول ارقام او تحقیقات ددې ښکارندويي کوي چې زمونږ اقتصاد مخه په لوړیدو دی. د بهرنیو اسعارو پر وړانډې د ترکیې د ملي کرنسۍ بیه، انفلیشن په برخه کې به خامخا خپل ټاکلي هدف ته ځان رسو.
اوس مونږ د هغوې په چټلو لوبو ډیر ښه پوه شوي یو. دا چې د هغوې پر وړاندې څه ډول تدابیر ونیسو پدې ډیره ښه اګاه شوي یو.
ددینه وروسته په اقتصاد کې د ډیرو لویو لویو منفي څپو رامنځته کول اسانه خبره نده. حکومت پوره تدابیر نیولي دي.
اړوند خبرونه
ولسمشر اردوغان د مې ۲۹ مه د استانبول د فتحې د ۵۷۱ مې کلیزې په مناسبت مبارکۍ پیغام خپور کړ.
د تورکیې ولسمشر رجب طیب اردوغان وویل چې د استانبول فتحه د تاریخ له سترو بریاوو څخه وه.